English French German Macedonian

Настани

Известување до читателите за начинот на пребарување на книги

PDFПечатиЕ-пошта

( 1 Глас )

Известување до читателите за начинот на пребарување на книги
1. Пребарување книги на WEB страната на Библиотеката преку COBISS+ платформата;
2. Користење на online сервисот Мојот COBISS (Мојата библиотека);
3. Пребарување и резервација на книги преку мобилната апликација mCOBISS, достапна за Android и IOS оперативните системи;
4. Резервација на книги
- преку телефoнскиот број: 047 232 999
- преку електронска пошта Оваа е-пошта е заштитена од spambots, треба да вклучите JavaScript за да ја видите
- Мојот COBISS (Мојата библиотека)
- преку официјалната Facebook страна на Библиотеката, НУУБ „Св. Климент Охридски“ – Битола
5. Табла за информација
- нови книги
6. Информации за нови книги на LED мониторот во холот на Библиотеката.
7. Преку информатор

Почитувани корисници,
Ве молиме за разбирање доколку податоците од електронскиот каталог не одговараат на фактичката состојба во библиотечниот фонд. Се работи на нивно отстранување.

 

Известување за читателите!!!

PDFПечатиЕ-пошта

( 0 Гласа )

Почитувани,

НУУБ „Св.Климент Охридски“ - Битола, од 06.07.2020 година (понеделник) повторно почнува да работи со корисници. Во согласност со мерките и препораките од Владата на РСМ по предлог заклучоци од Комисијата за заразни болести при Министерството за здравство, донесе одлука за отпочнување со работа на библиотеките. НУУБ „Св.Климент Охридски“ - Битола ќе продолжи да работи со задолжително почитување на протоколот за работа на библиотеки.

ВАЖНИ УПАТСТВА ЗА КОРИСНИЦИТЕ

Задолжително носење лична заштитна опрема на лицето, што подразбира каква било форма на заштита која ги покрива пределот на носот и устата: маска, марама или шал. Корисникот може да влезе во библиотеката само со лични заштитни средства. Дезинфекција на рацете пред влегување во библиотека (средството за дезинфекција е обезбедено од библиотеката). Одржување на физичко растојание од 2 метри. Во библиотеката истовремено може да влезе по еден корисник во секој оддел.

Библиотеката ќе ги следи мерките на надлежните органи и соодветно ќе ги прилагодува и менува постојните мерки на заштита. Библиотеката навремено ќе ги информира корисниците за сите промени преку соопштенија на влезот, преку официјалната веб страна и на профилот на фејсбук.

РАБОТНО ВРЕМЕ

Работата со корисниците ќе се одвива во две смени:

Прва смена 8.00. - 11.30 часот

Пауза за дезинфекција на просторот 11.30 – 12.00 часот

Втора смена 12.00 – 16.00 часот

Сабота е неработна.

РАБОТА СО КОРИСНИЦИ

Само за враќање и позајмување книги. Обновување на членството и запишување на нови корисници. - Читалните нема да работат до донесување на новите упатства.

ВРАЌАЊЕ НА БИБЛИОТЕЧНА ГРАЃА ( КНИГИ)

Корисниците ќе можат да ги вратат книгите и да позајмат нови. Вратените книги посебно се одвојуваат и во следните 72 часа нема да бидат достапни за позајмување.Библиотеката нема да го евидентира пропишаниот рок за враќање на позајмените книги во периодот кога не работеше со корисници.

Се препорачува на читателите да го користат електронскиот каталог за прабарување (OPAC)- https://plus.mk.cobiss.net/opac7/

Би благодариме за разбирањето и Ве очекуваме!

   

ХОРТИКУЛТУРНО – НУУБ „Св. Климент Охридски учесник во смотра на хортикултурни библиотеки во регионот (21.05.2020.г.)

PDFПечатиЕ-пошта

( 0 Гласа )

Љубов кон цвеќе и поезија е патот што не води во цветна иднина.

Следејќи ги иновативните и креативни програми во регионот и светот НУУБ „Св. Климент Охридски“ пред три години стана дел од мрежата на хортикултурни библиотеки. Концептот се состои во запознавање, користење и практична апликација на знаења и литература од областа на ботаника, како и промовирање на литература од истата област, со што библиотекарите го унапредуваат квалитетот на своите услуги преку поголемо користење на фондовите на библиотеката и обликување на позитивна свест за уредување на работни и животни простори. На тој начин библиотеките стануваат своевиден посредник во изградба на современото и еколошко живеење, овозможувајќи го побрзиот пристап до активности со хортикултурна нота. Покрај размената на информации и искуства, хортикултурна мрежа на библиотеки од целиот регион ќе биде еден вид „огласна табла“ и „временски распоред“ на редовни и повремени настани врзани со цвет и книга.

Хортикултурни библиотеки се дело на авторскиот тим на основачите на Интернет-клубот - Мирко С. Марковиќ (независен библиотекарен советник) и Драган Р. Саиќ, инж.  кои го  изработија проектот и програмата на „Хорикултурни библиотеки“ .

Домаќин на Третиот национален фестивал на хортикултурни библиотеки и  Вториот регионален фестивал на градинарски библиотеки е библиотеката „Љубиша Р. Ѓениќ ("Љубиша Р.Ђенић") од Чајетина, а со видео учество  се придружија библиотеките од Србија,  Хрватска, Босна и Херцеговина и Македонија (Битола и Радовиш). Настанот ќе се одржи на Златибор, во Чајетина на 21 мај 2020 (четврток) со почеток во 12 часот.

Во поздравното видео учествува  и ученичка  Михаела Растаноска од ОУ„Тодор Ангелевски“ со стихотворба „Мајски цвет“ од Видоје Подгорец, подготвена од наставничката Бисера Петровска Аргиновски.

Подготвила Јелена Петровска

http://hortikulturna.biblioteka.org.rs/index.php/2-uncategorised/26-zlatiborska-medjunarodna-smotra-hortikultirnih-biblioteka-i-knjiznica-na-festivalu-poljdkog-cveca-cajetina-2020

http://www.biblioteke.rs/

https://www.youtube.com/watch?v=QF_hPBLng18&feature=youtu.be&fbclid=IwAR3jR8p3JkglaDg1AtP_nyMSVyWu_AyCxkRJhaCNQuGIm7Fxo-hsLendSyk

 

   

Страница 2 од 250

Сподели на Facebook
Банер
Банер
Банер
Банер
Банер
Банер
Банер
Банер
Банер
Банер
Банер
Банер
Банер