Настани

ПОСЕТА НА ЗАМЕНИК АМБАСАДОРОТ НА КРАЛСТВОТО ШПАНИЈА ВО Р.С. МАКЕДОНИЈА

PDFПечатиЕ-пошта

( 0 Гласа )

Заменик амбасадорот на Кралството Шпанија, Ернесто Ередеро дел Кампо (Ernesto Heredero del Campo) на ден 22.10.2021 година ја посети НУУБ „Св. Климент Охридски“- Битола.
За време на посетата директорот м-р Бојан Стефановски и м-р Јелена Петровска - програмски раководител, го запознаа гостинот со тековните и развојните планови на библиотеката.
На состанокот се разговараше за можностите за соработка на полето на културата и библиотечната дејност, како и за доближување на културите на двата народа преку меѓусебни размени на содржини од областа на културното наследство.
Беа посочени конструктивни идеи и мислења во врска со организирање на активности поврзани со запознавање на шпанскиот јазик, литература и уметност, како и можноста за изучување на шпанскиот јазик во библиотеката.
Во текот на состанокот беа предложени активности за размена на библиотекари, предавачи од областа на библиотекарство и искуства поврзани со автоматизација на библиотечните процеси и дигитализација. Се зборуваше и за активности кои можат да се организираат во областа на остварување на милениумските цели предвидени со Агендата 2030 на УНЕСКО, за многу различни теми кои ќе бидат од интерес за пошироката популација.
Гостите имаа прилика да ги разгледаат одделите на библиотеката каде што беа информирани за најновите тековни инфраструктурни и програмски проекти.

22.10.2021
Програмски раководител
М-р Јелена Петровска

Повеќе фотографии од овој настан, на следниот линк: NUUB Facebook

 

Го одбележуваме Месецот на книгата - Месец Октомври

PDFПечатиЕ-пошта

( 0 Гласа )

„Да им читаме на глас“

По повод Месецот на книгата - Месец Октомври, во НУУБ „Св. Климент Охридски“- Битола на ден 20.10.2021 година се одржаа 2 читања на кои присуствуваа учениците од III-б и III-в одделение од ООУ„ Стив Наумов“- Битола со нивните наставнички Даниела Јовановска и Доста Илиевска.
Учениците имаа можност да слушнат како правилно се чита на глас од страна на библиотекарот Јасминка Кочевска, која за нив го избра расказот „Овчарчето Тасе“ од македонскиот писател Ванчо Николевски, од неговото дело Раскази.  
Во текот на читањето учениците има можност да разговараат со библиотекарот за настаните од расказот, но и да раскажуваат нивни случки. Потоа учениците имаа можност да нацртаат настан кој им остави најголем впечаток од расказот што им беше прочитан, да бојат и да се забавуваат.
За крај еден од библиотекарите им подели тефтерчиња со мисла за книгата и читањето, во кои можат да си запишуваат и тие по некоја мисла.

Повеќе фотографии од овој настан ќе најдете на следниот линк: NUUB Facebook

 

 

   

Тефтерчиња со мисла за книгата и читањето

PDFПечатиЕ-пошта

( 0 Гласа )
На ден 20.10.2021 година се одржа втората работилница во просториите на НУУБ „Св. Климент Охридски“- Битола во која учество зедоа учениците од четврта година графичка струка, графички техничари под менторство на професорките Весна Мундишевска-Велјановска и Катерина Спасовска-Маурдева.
При посетата на библиотеката учениците има можност да се запознаат со работата на секторите во библиотеката, а воедно да видат и како течи процесот на реставрација на книги, која им ја покажа библиотекарски помошник Јулијана Христовска-Кулевска од заштита и репрографија на книгата.
Потоа учениците започнаа со втората фаза од работилницата во која извршија опшивање и режење на тефтерчињата.
Преку оваа работилница учениците имаа можност да учат, да се забавуваат, но воедно да видат дека нивната струка е доста побарувана на пазарот на трудот.
За реализација на овие соработки директорот на СОУ„Таки Даскало“-Битола Добре Босилковски и директорот на НУУБ„Св. Климент Охридски“-Битола Бојан Стефановски потпишаа меморандум за соработка.
Подготвил м-р Гордана Ѓоргиевска-Неделковски
Повеќе погледнете на следиот линк
   

Страница 10 од 303

Сподели на Facebook