English French German Macedonian

Настани

Француско-германски саем на детска литература

PDFПечатиЕ-пошта

( 0 Гласа )

Националната установа Универзитетска библиотека „Св.Климент Охридски“ - Битола, Францускиот институт во Скопје, Гете-Институтот Скопје организираат Француско-германски саем на детска литература, со наслов „Го читаме другиот“.
Саемот ќе биде отворен утре (26.04.2017) среда во Националната установа  Универзитетска библиотека „Св. Климент Охридски“- Битола со почеток во 13 часот во холот на библиотеката.
Почесни гости на Саемот се Јана Хајнике и  Марк Бутаван.
Во рамки на програмата на саемот, ќе се одржат работилници, книжевни читања и дебати со гостите.
– Овој проект, поддржан од Француско-германскиот културен фонд, има  цел да ја промовира книгата како фактор за културна отвореност и еманципација. Преку читањето на странски јазик младите се воведуваат во светот на туѓата култура, но и во структурата на туѓиот јазик.

 

Одбележан Светскиот ден на книгата и авторското право

PDFПечатиЕ-пошта

( 0 Гласа )

По повод светскиот ден на книгата и авторското право, Националната установа Универзитетска библиотека „Св.Климент Охридски“ – Битола го одбележа со пригодна програма. Идејата за одбележување на Светскиот ден на книгата и авторското право, потекнува од Каталонија, каде на 23-ти Април на денот на католичкиот празник „Св.Јурја“, традиционално се подарува ружа за секоја подарена книга , традиција која трае скоро 100 години.

Читај повеќе: Одбележан Светскиот ден на книгата и авторското право

   

„ТРЕНДАФИЛИ ЗА ЧИСТА ПОЧВА“

PDFПечатиЕ-пошта

( 0 Гласа )

НУУБ „Свети Климент Охридски “ – Битола во соработка со Ротари Клубот „Битола Широк Сокак“ го одбележаа Денот на Планетата Земја под мотото „ТРЕНДАФИЛИ ЗА ЧИСТА ПОЧВА“.
Идејата на одбележувањето е да се сврти вниманието на пошироката јавност за значењето на почвата за целокупниот живот на Планетата Земја како и процесите на загадување, деградација и опустинување.
Со засадување на трендафилите ќе се даде придонес кон прочистување на почвата од тешките метали како што се олово, цинк, кадмиум и други.
Настанот беше можност за неформална средба на директорот на НУУБ „Св. Климент Охридски“ – Битола Д-р Лили Бошевска и Претседателот на Ротари клубот „Битола Широк Сокак“ - Никола Бабовски. На неформалната средбата се разговараше за можностите за соработка и заеднички проекти како што е поставување на сензори за светло и вода во НУУБ „Св. Климент Охридски“ – Битола идеја што со задоволство е прифатена од страна на Ротари клубот.
Со денешниот настан се даде придонес кон глобалните напори за спас на Планетата Земја и заштита од деструктивното „јас“ на човештвото од кое страда целокупниот еко систем.

   

Промоција на книга поезија „Духот на тишината“ од Игор Трпчески

PDFПечатиЕ-пошта

( 0 Гласа )

Театарска работилница Прилеп и Поетската амбасада на Македонија Ве покануваат на ПРОМОЦИЈА на книга поезија „Духот на тишината“ од Игор Трпчески во издаваштво на Банатскиот културен центар од Ново Милошево Србија.
Книгата е испечатена како награда добиена на седмиот Европски поетски фејсбук фестивал кој се одржа во Нови Сад Србија.
Промоцијата ќе се одржи на 21-ви Април, (петок) во просториите на Националната установа Универзитетска библиотека „Свети Климент Охридски“-  Битола со почеток во 12 часот.
На настанот ќе се чита и поезија од збирката поезија „ПРИМКА“ од Ристо Ѓ. Јачев и збирката „БИГ БЕНГ“ од Јозо Т. Бошкоски.

   

„Ликовни одблесоци – сеќавање на творештвото на Борислав Талевски

PDFПечатиЕ-пошта

( 0 Гласа )

Како завршен настан во рамките на програмата за одбележување на 72-от роденден на Битолската библиотеката и 83 годишнината од раѓањето на Борислав Талевски, ликовен уметник од Битола, на ден 31.03.2017 година во просториите на библиотеката следуваше отворање на ликовна изложба „Ликовни одблесоци – сеќавање на творештвото на Борислав Талевски“.

Можете да ги слушнете изјавите од Лидија Мирчевска (ќерка на ликовниот уметник Борислав Талевски) и од г-динот Драган Најденовски - претседател на ДЛУБ .

Одбележувањето беше надополнето со настап на хорот од Државното музичко училиште - Битола, диригент професор Лилјана Трајковска - Димевска.

JavaScript is disabled!
To display this content, you need a JavaScript capable browser.

   

Страница 7 од 86

Сподели на Facebook
Банер
Банер
Банер
Банер
Банер
Банер
Банер
Банер
Банер
Банер
Банер
Банер