English French German Macedonian

Нови наслови

Таен сведок

PDFПечатиЕ-пошта

( 0 Гласа )

Очекуваме од нашите судии да бидат чесни и мудри ‒ нивниот интегритет и нивната непристрасност се темелот на целиот правосуден систем.

Со својата долгогодишна работа како агент во Комисијата за судиска етика, Лејси Столц смета дека повеќето проблеми во работата на судиите се должат на некомпетентност, а не на корупција. Но на нејзината маса завршува токму таков случај. Еден бивш адвокат, кој се враќа во фелата под новото име Грег Маерс, тврди дека судијката Клодија Мек-Довер е најкорумпираниот судија во историјата на американското правосудство. Не само што за поткуп вмешала прсти во изградбата на големо казино во индијански резерват во кој важат други закони, туку е и тесен соработник на мозокот што стои зад сето тоа, фантомскиот мафијашки бос Вон Дјубоз. Планот со години функционира совршено.

Сега Грег и неговиот анонимен клиент ‒ Тајниот сведок ‒ сакаат да ја разоткријат судијката за милионска награда.На Лејси веднаш ѝ станува јасно дека тоа може да биде опасно. Што ако буквално си го става животот на коцка?...

Од мајсторот на правниот трилер Џон Гришам, нов, опасно возбудлив роман за корупцијата во темните ќошиња на сончевата Флорида.

 

Црвеношијка

PDFПечатиЕ-пошта

( 0 Гласа )

944: Во рововите кај Ленинград загинува норвешкиот доброволец Даниел Гудесон. Во една виенска болница еден ранет војник се претставува како Даниел. Тој се вљубува во убавата болничарка Хелена.

1999: Поради неусогласеност на службените информации, Хари Хуле ќе застрела еден припадник на американската тајна служба при посетата на американскиот претседател на Норвешка. За да се забошоти инцидентот, Хуле е префрлен во Полициската служба за безбедност, каде што самоиницијативно се зафаќа со проверка на информации за шверцување на оружје, поврзани со неонацистите. И така, клопчето почнува да се одмотува...

2000: додека снегот почнува да се топи по улиците на Осло, на сцената стапува еден необичен убиец со уште понеобична намера...

Живописните сцени на Несбе ви се одвиваат пред очите како на филмско платно. Дејството е динамично, заплетот е доследен и сложен, а ликовите ќе ве воодушеват. Романот ги обединува во себе двата најдобри филмски жанра – воената сага и трилерот. УСА тудеј

   

Среќните луѓе читаат и пијат кафе

PDFПечатиЕ-пошта

( 0 Гласа )

Сопруга, мајка и сопственичка на кафе-книжарницата Среќните луѓе читаат и пијат кафе во Париз, се чини дека Дијан има совршен живот. Но ненадејно ќе ги изгуби саканиот сопруг и ќерката и сè одненадеж застанува. Сè освен нејзиното срце, кое и натаму упорно и болно чука. Изгубена во спомените, таа повеќе не знае како да живее...

По една година ќе ги шокира семејството и пријателите одлучувајќи да се пресели во едно село на ирскиот брег. Конечно решена повторно да го изгради својот живот – сама. Таму ќе го запознае Едвард, таинствениот фотограф од соседството. Ќе си дозволи ли повторно да сака? Ќе го надвладее ли стравот дека со новата љубов ќе ги изневери саканите кои веќе ги нема?

„Трогателна приказна со многу дијалози која со лесен стил и со многу топлина и разбирање зборува за тоа дека можеме да ги преживееме и најтешките животни моменти.“ Ле паризјен

 

Книга за бамбусот

PDFПечатиЕ-пошта

( 0 Гласа )

Книга за бамбусот претставува метафора за раѓањето на една филозофија низ билката која ги допира човечките прсти и се враќа на својот дефинитивен облик.

Бамбусот е главен лик и предмет на човечките мисли и желби, тој е врската меѓу две култури (јапонската и кинеската), врската помеѓу човечките судбини; тој ги определува настаните, преземајќи ја вината врз себе. Низ книгата дефилираат цареви, поданици, војска, се менуваат кланови и династии, но лајтмотивот останува мистериозната девојка родена во бамбус.

Книга за бамбусот е книга за некои други светови, кои најчесто го претставуваат светот на нашите сништа. „Бамбусот има душа, тој никгаш не би поминал низ човечкото тело. Би го допрел и би барал друг, заобиколен пат. Луѓето, пак, растат и живеат низ други луѓе, позиции, предмети, наместо низ просторот кој е нивното духовно живеалиште. Во него нема пречки, бидејќи тука човекот се бори со самиот себеси, со својата волја и снага. Затоа може да се сака една личност цел живот, доколку така одлучи човекот. Пак е тоа борба со самиот себеси, но не борба против себеси.“

„Сè што си бил и ќе бидеш - не си. Само што си - ти си“

   

Ништо

PDFПечатиЕ-пошта

( 0 Гласа )

Сè започнува кога Пјер Антоан, главниот покренувач на настаните во Ништо на Јане Телер, на еден час изјавува дека „не постои ништо што значи нешто“, оти животот е бесмислен и нема потреба да се грижиме за ништо: за училиштето, пријателите, семејството. Во знак на протест, се качува на едно сливово дрво и оттаму почнува да ги гаѓа своите довчерашни другари со презреани сливи и со своите филозофски мудрости. Исплашени од неговото забегано однесување, тие тргнуваат во очајна потрага по смислата на животот откажувајќи се од најзначајните работи и предизвикувајќи се на сѐ поголеми жртви. Купот почнува со нечии омилени зелени сандали, жолт велосипед, данско знаме, стара касета од Битлси...

Но дали откажувајќи се од најсаканите работи потврдуваме дека навистина ништо не е важно? Измачувајќи се со ова прашање, секое наредно барање на седмоодделенците станува сè посурово и настаните постепено добиваат морбиден пресврт...

 

Некогаш сигурно сум одела по мека трева

PDFПечатиЕ-пошта

( 0 Гласа )

Некогаш сигурно сум одела по мека трева од Каролина Шути е приказна за Маја. По смртта на нејзината мајка, таа е пратена да живее во странство со татко си. Но тој ја остава кај нејзината строга тетка, која само ја храни и ѝ обезбедува место за спиење. Фрлена во безимено село и растејќи во сиромашни услови, во еден тажен свет во кој нема место за радост и љубов, Маја се чувствува двојно лишена по преселувањето: тагува за мајка си и за мајчиниот јазик. Секој нејзин обид  да се сети на своето минато е безуспешен. Тогаш го запознава Марек, осамен човек кој зборува на странски и мистериозен јазик и кој исто така го изгубил својот културен идентитет. Тој е единствениот кој може да направи Маја да се почувствува прифатена и ѝ станува не само пријател туку и татковска фигура...

Со јасен и поетичен, неполитички стил, Шути зборува за судбината на раселените луѓе. Потрагата по идентитет, како што сугерира и самиот наслов  на романот, го одредува животот на раскажувачот во останатиот дел од приказната. Иако романот зборува за минатото на Маја преку посветеноста на нејзините баби и белоруското потекло, неговата основна тема содржи современа и универзална димензија која може да се примени во безброј региони во светот.

Наградата за литература на Европската Унија во 2105 година е секако оправдана од оваа прекрасна книга, полна со ликови кои се чини дека живеат и надвор од нејзините страници.

   

Страница 1 од 24

Сподели на Facebook
Барај книга
Банер
Банер
Банер
Банер
Банер
Банер
Банер
Банер
Банер
Банер
Банер
Банер
Банер