English French German Macedonian

Настани

подготвува Фатма Бајрам Аземовска

Промоција на книгата „Ќерката на дрвосечачот“

PDFПечатиЕ-пошта

( 0 Гласа )

Ретки се тие книги што уште од самиот пролог ти продираат до срце, те зграпчуваат како челична канџа од емоции и просто не ти дозволуваат да ја оставиш книгата. Премногу се ретки, да, но овде имаме една токму таква книга.
„Ќерката на дрвосечачот“ започнува во едно македонско село, пред повеќе од 30 години. Дана е сираче, нејзиниот татко дрвосечач загинува во шумска незгода, а од преголема љубов кон него и тага за неговата смрт, по само еден месец умира и нејзината мајка. Па така од нејзиното прекрасно семејство полно со љубов, останува само малата Дана, со вечно скршено срце. Грижата за неа ја презема семејството на братот на татко ѝ, но чичко ѝ и стрина ѝ си имаат свои три деца, свои грижи за гледање, па повеќе ја третираат како слугинка дома и само гледаат да приграбат сè што можат од наследството што ѝ е останато. Дана е прекрасен лик; кротка, мила, послушна, покорна, вредна и пргава – таа не зуцнува дури ни кога тие практично ја продаваат на еден богат пар во Скопје, за да им биде домашна помошничка. Ги голта солзите во себе, а однадвор и понатаму останува силна и истрајна.
„Ќерката на дрвосечачот“ е книга која раскажува за мајчинската љубов, за женската издржливост, за човечката злоба, за горчливоста на судбините.
Ве очекуваме на промоција на книгата „Ќерката на дрвосечачот“ од авторката Наде Стојилковиќ, на ден 09.11.2019 година со почеток во 12 часот во просториите на Библиотеката.

 

Работилница на тема „Дали младите можат да го променат светот“?

PDFПечатиЕ-пошта

( 0 Гласа )

Можеме ли како припадници на нашето општество да го промениме она што не ни се допаѓа или она што сметаме дека е неправедно иако сме млади и можеби недоволно искусни?
Одговорот на прашањето ќе Ви го даде волонтерот од Шпанија во „Сумнал“, Хуан Хесус Прадо Родригез. Дојдете и ќе дознаете колкава може да биде моќта на младите луѓе да направат нешто.
Работилницата се реализира како дел од проектот „Кажи ДА за промена“ финанисран од Еразмус + програмата, во соработка со НУУБ „Св. Климент Охридски“ - Битола.

   

Распеано и разиграно со учениците од ОУ „Стив Наумов“ - Битола

PDFПечатиЕ-пошта

( 0 Гласа )

По повод месецот на книгата и Патрониот празник на ОУ „Стив Наумов“ - Битола учениците од II одделение ја посетија НУУБ „Св. Климент Охридски“ - Битола. Целта на посетата беше да се поттикнат децата да читаат, да се развие свеста за ЕКОЛОГИЈАТА. Во текот на посетата гледавме едукативен цртан филм, разговаравме за селектирање, рециклирање...грижа за околината...и на крајот посетата ја завршивме со Еко пораки и песнички. На следниот линк следат повеќе фотографи https://www.facebook.com/pg/nuub.mk/photos/?tab=album&album_id=10157852227063679

   

Страница 7 од 239

Сподели на Facebook
Барај книга
Банер
Банер
Банер
Банер
Банер
Банер
Банер
Банер
Банер
Банер
Банер
Банер
Банер