Настани

Во сеќавање на Панде Манојлов, изложба на неговите дела

PDFПечатиЕ-пошта

( 0 Гласа )

Во рамките на одбележувањето на 4 Ноември, Денот на ослободувањето на Битола, беше презентирана изложбата на делата на Панде Манојлов, битолскиот поет, раскажувач и новинар.
Настанот се одржа во НУУБ „ Св.Климент Охридски“ - Битола, а беа рецитирани и песни во негова чест, од страна на Силвана Петрова Насух.
Освен делата, беа изложени и признанијата кои тој ги доби не само во Македонија, туку и низ светот, беше прочитано и писмото, обраќањето од Раде Силјан.
Изложбата беше организирана по иницијатива на Љупчо Василевски и м-р Добре Тодоровски.
Панде Манојлов по заминувањето во пензија активно се посветил на пишување на поезија, а имал издадено триесетина печатени изданија. Пишувал на многу теми, како и за децата, а неговите дела се преведувани на неколку јазици. Носител на голем број на награди и признанија. Една од неговите најпознати песни е песната посветена на Палестина. Така во 2017 тата во Скопје му беше врачено големо признание од страна на амбасадорот на Палестина.
За збирката поезија „Јужни реки“ ја доби наградата на ДПМ за поезија „Ацо Шопов“ за 2019 година. Последна во низата објавени книги му беше Егзотичен ветер.
Меѓу останатите се и поетските збирки: „Црвен немир во црвено пламти“, „Соѕвездие на болот“ , „Песни за Тито“, „Огнена земја“, „Блажевина“, „За Битола, вековите и љубовта“, „Македонски поетски молк“ и други.
Пишувал и поезија за деца, раскази за деца и возрасни, хумористично-сатирични дела и театарски критики: „Талија на битолската сцена“ (2003). Автор е и на книгата сведоштва „До Учителот – низ сито и решето“ (2015).
За својата поезија знаеше да каже „Јас не пишувам песни, не пишувам раскази, ниту романи. Тие ме пишуваат мене“.
Една од песните посветени на нашиот град беше и Битола моја. Во 2016 тата беше примен како почесен член на друштвото на писателите на Калифорнија. Неговата прва стихозбирка Црвен немир во црвено пламти излезе од печат во 1971 година.
Бил член на друштвото на писателите на Македонија, член на независните писатели на Бугарија и на асоцијацијата на писатели од Калифорнија. Почина на 7 ноември 2020 година, на 72 годишна возраст.

Повеќе фотографии од овој настан, на следниот линк: NUUB Facebook

 

Изложба по повод 4 Ноември – Денот на ослободувањето на Битола

PDFПечатиЕ-пошта

( 0 Гласа )

По повод 4 Ноември – Денот на ослободувањето на Битола, во холот на Библиотеката е поставена изложба на книги.
На 4 Ноември 1944 година, борците од 49-тата дивизија на НОВ победоносно марширале низ Битола откако го ослободиле градот од преостанатата германска војска. По капитулацијата на нивните сојузници, во Битола и околината останале само Германците кои не можеле да издржат под налетот на македонските борци во чии редови влегувале Седмата битолска бригада, Битолско-преспанскиот партизански одред и Леринско-костурската бригада. Преку селата Крклино и Могила од една и Кравари, Бистрица и Породин од друга, македонските борци им нанеле тешки загуби на Германците кои се разбегале кон Грција и Албанија по што утрото на 4 ноември биле поздравени низ улиците на ослободениот град. Околу 270 борци ги положиле животите за слободата на Битола.
Националната установа - Универзитетска библиотека „Св.Климент Охридски“ – Битола на сите наши сограѓани, им го честита празникот 4 Ноември – Денот на ослободувањето на Битола.

   

Општински натпревар „Млади библиотекари“

PDFПечатиЕ-пошта

( 0 Гласа )

Општинскиот натпревар „Млади библиотекари“ е организиран од НУУБ „Св.Климент Охридски“ – Битола, и се одржа на ден 29.10.2021 година.
На Општинскиот натпревар  зедоа учество ученици од основните  училишта од Битола и еден ученик од училиштето во Могила со вкупно девет претставници.

Според утврдените правила за овој натпревар на 21. Републики натпревар „Млади библиотекари“ што ќе се одржи во Центар за култура „Григор Прличев“ во Охрид на 06.05.2022 г., ќе учествува ученикот кој ќе освои освои најмногу бодови на Општинскиот натпревар, а тоа е:

Анамарија Ристевска, 9 одд. од ОУ „Св. Кирил и Методиј“ - Битола со освоени 81 бод.

Второто место и припадна на Лина Чашитовска, 9 одд. од ОУ „Стив Наумов“ Битола, со 78 освоени бода.

Трето место - Лина Христовска, 9 одд. ОУ „Гоце Делчев“ Битола, со освоени 73 бода.

 

Другите учесници беа:

Јована Ѓоргиевска, 9 одд. ОУ „Св. Климент Охридски“ - Битола
Дарко Петковски, 8 одд. - ОУ „Елпида Караманди“ - Битола
Ангела Колтоска, 9 одд. ОУ „ Гоце Делчев“ - Могила
Христина Гоцевска, 9 одд. - ОУ „Коле Канински“ -  Битола
Стефан Ристевски, 8 одд. - ОУ „Ѓорѓи Сугарев“ - Битола
Симона Николовска, 9 одд. ОУ „Даме Груев“ - Битола.

Наградените учесници за учеството добија подарок енциклопедии и благодарници, додека другите учесници благодарници.

Повеќе фотографии на следниот линк: NUUB Facebook

   

Страница 6 од 303

Сподели на Facebook