Третиот Форум на библиотечна унија на земјите од ЦИЕ и НР Кина 3rd China – CEEC CURATORS’ FORUM OF LIBRARIES UNION Nanjing-China 2023
На покана од организаторот, Библиотека од Нанјинг (Кина) во Форумот од нашата држава учествува програмски раководител на НУУБ „Св. Климент Охридски“ м-р Јелена Петровска, библиотекар советник и библиотекари од Градската библиотека „Браќа Миладиновци“ директор Снежана Стојчевска и библиотекар советник Ивона Ѓаматовска Јанкуловска. Библиотеката од Битола беше претставена со учество во два панели:
– „Иновативните пристапи и значење на роднокрајните фондови во промоцијата на библиотеките како културни дестинации“ (Innovative approaches of the coolection of regional fund in the promotion of the library as a cultural destination)
– „Помеѓу предизвиците и потребите“– Дневна соба на градот-Битола (Between challenges and needs – Community hub Library Bitola,North Macedonia)
Форумот во свечената атмосфера и со многу видни гости од целиот регион на Кина беше отворен со презентации за важноста на библиотеката како трет простор, архитектонски современи решенија и нови иновативни подвижни библиотеки. Темите се однесуваа и на чување на старите ракописи и културно наследство, како и представување на големи регионални библиотеки. Меѓу бројните гости освен библиотеки организатори, беа директорите на Hebei Library,Shanxi Library, Jinling Library,Ningbo, Shandong Library, Qingdao Library, Wuhan Library, Hefei City Library, Xiamen Library, и многу други. Беа присутни и претседатели на здруженија на библиотекари од Кина, како и директори од повеќе библиотеки од југоисточна Европа.
На маргините на Конференцијата беа организирани изложби на стари ракописи и книги, како и работилници кои презентираа древни вештини и изработки на печатени текстови и слики.
Агенда на културни посети и активности вклучуваше посети на Претседателска Палата, Нанјинг библиотека, Нанјинг Музеј,Др. Сун Јат-сен Маузолеј, и Историска и културна поставка на десет кинески династии.
Третиот Форум беше единствена прилика да се разменат искуства од областа на најновите трендови во библиотечното работење и креирање на просторот по мерка на корисниците.
Нанјинг – Кина, октобар 21-24, 2023
Повеќе фотографии на следниот линк: NUUB Facebook