Во рамките на проектот “Sasas Jekhvar Jekh. Once upon a time – and now”, се одвиваат последните активности за печатење на Европската книга на бајка, “СЈАЈНИ ЗВЕЗДИ – бајки раскажани од Роми од Европа”. На 26 ноември 2024 година, координаторот на германската организација Југендстил, г-дин Ronald Schönknecht, оствари средба со новиот в.д. директор на НУУБ „Св. Климент Охридски“ – Битола, г-дин Менде Доневски. На оваа средба се разговараше за идните активности, вклучувајќи ја Европската конференција за раскажување приказни, која ќе се одржи во општина Битола, како прв ваков настан во нашата држава.
Истовремено, беше истакнат напредокот на проектот кој продолжува со прекрасни настани посветени на оживување на ромските приказни, собрани во книгата „Сјајни ѕвезди: бајки раскажани од Роми од Европа“. Директорот Доневски изрази својата поддршка и задоволство од соработката во рамките на проектот.
По средбата, делегацијата ја посети и печатницата Графопром, каде бевме сведоци на конечниот производ по пет години од започнувањето на проектот. Ова беше потврда на нашата визија и мисија, која ја имавме на почетокот на проектот.
Проектот е финансиран преку програмата Еразмус + на Европската Унија и има за цел да ја промовира ромската култура и традиција преку приказни раскажани од Роми. Партнери во проектот се организации од Германија, Бугарија, Грција, Унгарија, Романија, Србија и Турција.
Sasas Jekhvar Jekh. Once upon a time – and now
Повеќе фотографии на следниот линк: NUUB Facebook