„Ако не тргнеш по она што го сакаш, никогаш нема да го имаш. Ако не прашаш, одговорот секогаш ќе биде не. Ако не направиш чекор напред, секогаш ќе бидеш на истото место.“ – Нора Робертс
Денес, НУУБ „Св. Климент Охридски“ – Битола, беше домаќин на учениците од три основни училишта од општина Кичево. Дел од учениците од ОУ „Христо Узунов“ – Другово, ОУ „Др. Владимир Полежински“ – Кичево и ОУ „Кузман Јосифовски – Питу“ од Кичево под менторство на наставничката по македонски јазик Ивана Божиноска Витанска во склоп на нивниот проект „Читаме, пишуваме, осознаваме“, ја посетија нашата библиотека. Посетата ја искористивме за да ги запознаеме учениците со сите оддели на нашата библиотека, со фондот на книги со кои располага, разговаравме за пишувањето и за новите поими кои ги научија денес.
Повеќе фотографии на следниот линк: NUUB Facebook