Денес ги посетивме учениците од СОТУ „Ѓорѓи Наумов“ – Битола и им овозможивме запознавање со COBISS, како и со процесот на пребарување на книги и користење на мултимедијални системи.
Заедно со професорот Мартин Алексовски, комбиниравме предавање и практични активности за дигитални вештини, со цел учениците да се запознаат со основите на COBISS и можностите за пребарување дигитални ресурси. Особена благодарност упатуваме до директорката, д-р Жанета Сервини, за поддршката и соработката.
Оваа соботката меѓу образовните институции и различните проекти е клучна за успешно имплементирање на образовните програми, бидејќи овозможува размена на знаење, ресурси и поддршка, што ја зајакнува и унапредува дигиталната писменост на учениците.
Посетата е дел од проектот „Намалување на дигиталната сиромаштија“, кој е поддржан од Министерството за култура и туризам на Република Северна Македонија.
Повеќе фотографии на следниот линк: NUUB Facebook