Млада пациентка во кома раѓа здраво машко дете. Таа е феномен или силувана?
На одделот каде што се сместени пациенти со трауматски повреди на мозокот и се во длабока кома, се случува нешто невообичаено: дваесет и двегодишната пациентка Елајза која е дванаесет години во кома добива породилни болки. Апаратите на кои е вклучена пиштат и ја сечат тишината како со жилети. Медицинскиот персонал е во шок – пациентката која со години е во кома се породува. Самото доаѓање на дете на свет води до сериозна истрага – медицинска и полициска.
Полицијата се сомнева дека станува збор за силување. Тие бараат да им се достави список од сите мажи коишто некогаш влегле во клиниката изминатата година. Од друга страна пак, едно медицинско лице доаѓа до чудно откритие. Подоцна, тоа лице е пронајдено предозирано на мистериозен начин. Случајот добива пресвртница и ги поттикнува детективите да гледаат од друга перспектива. Дали некој кој бил вмешан во случајот ‘Феномен’ – се врати за да ги прикрие трагите?
Без нејзина согласност – МекГарви Блек
Нови наслови