На 12.11.2026 година, во НУУБ „Св. Климент Охридски“ – Битола ги пречекавме учениците од ООУ „Д-р Трифун Пановски“ – Битола, заедно со нивните наставнички Бисера Костовска и Васка Белокозовска.
Преку приказната „Грдото пајче“ разговаравме за различностите, чувствата и важноста да бидеме добри едни кон други. Размислувавме како се чувствувало пајчето кога било отфрлено и колку значат пријателството, поддршката и убавиот збор. Детските одговори и размислувања нè потсетија дека приказните отвораат простор за важни разговори — за тоа како да разбереме, да прифатиме и да помогнеме.
Благодарност до учениците и нивните наставнички за убавата дружба! Нека книгите и понатаму не зближуваат и неучат дека секој заслужува почит и место каде што ќе се чувствува прифатен.
Повеќе фотографии на следниот линк: NUUB Facebook