Проектот Sasas Jekhvar Jekh. Once upon a time – and now„ продолжува со прекрасните настани посветени на оживување на ромските приказни, собрани во книгата „Сјајни ѕвезди: бајки раскажани од Роми од Европа“.
Ја читавме приказната „Златното јајце“ и ја глумевме заедно со учениците од „Интимен театар“, кои внесоа искрена енергија и ентузијазам во приказната.
Благодариме на талентираните ученици кои под водство на Софиа Ристевска и Билјана Крајчевска преку уникатни техники на раскажување ја пренесоа магијата на ромската традиција. Посебна благодарност и до нашите посветени раскажувачи кои со своите вештини придонесуваат за зачувување на оваа културна традиција.
Овие настани не само што ги обединуваат младите и возрасните во заедничка креативна приказна, туку им овозможуваат да се запознаат со богатата ромска култура, нејзините вредности и автентични легенди. Настаните претставуваат мост помеѓу генерациите и поттикнуваат културна размена и разбирање, додека преку нив се гради заедница која ја негува различноста и традициите.
Проектот е поддржан од програмата Еразмус+ на Европската Унија и вклучува партнерски организации од Германија, Бугарија, Грција, Унгарија, Романија, Србија и Турција. Заедно, тие работат на зачувување и промоција на ромското културно наследство, создавајќи вредна збирка на приказни која ја збогатува и инспирира пошироката заедница.
Нека магијата на бајките продолжи да живее и да се пренесува на идните генерации, потсетувајќи нѐ на убавината на раскажувањето и силата на културната разновидност.
Sofia Ristevska Biljana Krajchevska
Повеќе фотографии на следниот линк: NUUB Facebook