По повод International Day of Charity на 5 септември 2024 година , Ротари клубот „Битола-Широк Сокак“ и семејството на Аземовски реализираа донација во НУУБ „Св.Климент Охридски“ – Битола. Донацијата вклучува перници за релаксација на читателите, со цел да се овозможи поудобно и пријатно искуство за сите посетители на библиотеката. 
Инаку, во текот на месец јули, во ОУ „Даме Груев“ – Битола беше откриен мурал во чест на Нешат Аземовски, кој имаше хуманитарен карактер. Собраните средства од овој настан беа искористени за купување на училишни материјали за учениците и за перниците. Овој проект, инспириран од вредностите на Нешат Аземовски, продолжува да има позитивно влијание врз нашата заедница.
Заедно, продолжуваме да правиме разлика во нашата заедница и да го шириме духот на добротворноста. 
International Day of Charity, кој се одбележува на 5 септември, е меѓународен ден прогласен од Обединетите Нации во 2012 година со цел да се поттикне добротворната активност ширум светот. Овој ден е избран за да се оддаде почит на годишнината од смртта на Мајка Тереза, позната по нејзината хуманитарна работа и неуморната посветеност кон сиромашните и ранливите групи.
Целта на овој ден е да ја подигне свеста за важноста на добротворноста, да се охрабрат луѓето и организациите да донираат време, пари, или ресурси за оние на кои им е најпотребно, како и да се поттикнат општествените активности кои имаат позитивно влијание на глобално ниво.
International Day of Charity претставува можност за заедниците да се обединат и да покажат солидарност преку добротворни акции кои промовираат хуманост, правда и помош за најзагрозените.
Повеќе фотографии на следниот линк: NUUB Facebook
