НУУБ „Св. Климент Охридски“ – Битола во соработка со невладината организација „ДОГМА“ започна со реализирање на проектот „Вечери на креативноста“, одобрен од Министерство за култура на Република Северна Македонија. Првата вечер – Вечер на стрипот „Биди и ти стрип мајстор“, ја реализира професорот Миле Атанасоски, како стрип мајстор, кој на учениците од I, II и III година од насоката Графички уредници – дизајнери при СОУ „Таки Даскало“ – Битола им покажа основни насоки за изработување на стрип и им помогна во изработка на нивниот прв стрип. Овие ученици покажаа дека навистина се талентирани за цртање. Нивните стрип цртежи ќе бидат изложени во холот на библиотеката.
Прва вечер на креативност „Биди и ти стрип мајстор“
