Во рамки на глобалната кампања „16 Дена Активизам против насилството врз жените и девојките“, денеска реализиравме едукативна работилница со учениците од 9 одделение во ОУ „Даме Груев“ – Битола.
Како обучени библиотекари за работа со млади, литература и превенција од насилно однесување, имавме за цел да создадеме безбеден простор каде учениците можат да размислуваат, прашуваат и учат.
Работилницата се одвиваше преку измислени, но реалистични случаи поврзани со врсничко малтретирање, дигитално навредување, токсични врски и насилство во семејството. Преку секој пример разговаравме како да се препознае опасна ситуација, како да се побара помош и кои се здрави, безбедни избори во секојдневието.
Ова е едукативна активност што библиотеките ја поддржуваат и ја реализираат во рамки на светскиот пристап кон младинско образование.
Не навлегуваме во лични проблеми — работиме исклучиво на превенција, едукација и подигање свест.
Иако овој пат не пишувавме цитати, разговаравме за силата на изговорената порака – како еден став, еден збор или едно храбро „Доста е!“ може да промени нечие искуство, но и нечие утре.
Учениците покажаа исклучителна зрелост, храброст и одговорност, споделувајќи размислувања што инспирираат и охрабруваат.
Голема благодарност до директорката Билјана Дамчевка Бакиевска, наставниците и педагошко-психолошката служба за поддршката и најмногу до учениците за нивната искреност и активност.
Библиотеките се места на знаење, поддршка и безбедност.
Битола кажува „НЕ“ на насилството!
Повеќе фотографии на следниот линк: NUUB Facebook