Вчера во Europe House Bitola, се одржа незаборавен Европски настан за раскажување приказни „Sasas Jekhvar Jekh – Некогаш… и сега“!
Овој настан е дел од Еразмус+ проектот, собра раскажувачи, истражувачи и културни ентузијасти од Северна Македонија, Германија, Бугарија, Грција, Унгарија, Романија, Србија и Турција. Преку традиционални ромски бајки, дискусии и презентации, ја прославивме богатото културно значење и значењето на усното предание.
На вчерашниот настан „Sasas Jekhvar Jekh – Некогаш… и сега“, имавме чест да слушаме и да научиме од некои од најистакнатите говорници кои ги поделија своите знаења, искуства и инспирации.
Фатма Бајрам Аземовска – Советник библиотекар, НУУБ „Св. Климент Охридски“ – Битола, која ја отвори церемонијата и ги поздрави присутните, истакнувајќи ја важноста на овој проект за зачувување на ромската култура и бајките како дел од европското наследство
М-р Емилија Стефановска Давкова – Директорка на НУУБ „Св. Климент Охридски“ – Битола, која ја истакна важноста на зачувувањето на ромската култура и бајките како дел од европското наследство.
Снежана Петровска – Претставничка на Општина Битола, која со гордост го изрази значењето на овој настан за културната размена и изградбата на поинклузивно општество.
Роналд Шункнехт – Менаџер на проектот од НВО „Југендстил“, Германија, чија посветеност и лидерство во проектот овозможија создавање на европска платформа за ромските бајки.
Изабел Јан – НВО „Контакти за Европа“, Германија, која ги поттикна учесниците да ја ценат културната размена и меѓукултурниот дијалог.
Јелена Петровска и Бланка Чаби – Претставници на НУУБ „Св. Климент Охридски“ – Битола и НВО ХЕДА од Унгарија кои ја презентираа монографијата за ромски бајки и едукативните материјали за раскажувачи.
Евангелија Мама, Викторија Михајловска, Анка Фотин, Силвија Строе, Угур Челик – Претставници од различни земји кои ги споделија своите искуства и организирани настани за раскажување приказни во нивните заедници.
Нивните говори ни донесоа нови перспективи и ни го открија значењето на приказните во современиот свет.
Наградување на посветените учесници.
Незаборавно музичко затворање!
Огромна благодарност до сите партнери, поддржувачи и учесници што помогнаа да ја зачуваме магијата на раскажувањето! Овој настан покажа дека приказните не само што го носат нашето минато, туку и ја градат нашата иднина.
Повеќе фотографии на следниот линк: NUUB Facebook