Насмеани лица нè пречекаа, а љубопитноста и детската радост ја исполнија училницата. Разговаравме за нашата посета, за библиотеката и за тоа колку е убаво кога книгата станува наш другар.
Ова беше нивното прво запознавање со библиотекарите и со правилата за зачленување во библиотека, како и со бесплатните ваучери што им беа доделени.
Секако, оваа прекрасна средба ја искористивме и за дружење со сликовницата „Магичното писмо“ од Неше Рамовиќ – книга наменета за нивната возраст, лесна за читање, а истовремено многу интересна и забавна.
Голема благодарност до нивната наставничка Лидија Поповска, како и до директорката Жанета Тошеска, за прекрасната соработка и гостопримството.
До следното книжевно дружење!
Повеќе фотографии на следниот линк: NUUB Facebook