Денес реализиравме прекрасна „Дегустација на детска литература“ со учениците од шесто одделение од ООУ „Александар Турунџев“ од Кукуречани, кои со својата наставничка по македонски јазик Јулијана Павловска ја посетија нашата библиотеката.
Целта на оваа дегустација е децата за краток период ( 15 мин) да можат да се запознаат со што поголем фонд на книги наменети за нивна возраст. Дегустацијата течи во неколку фази. Прва фаза ни е дегустација на книгите (разгледување, читање кратко сиже итн.). Потоа имавме разговор и препораки, за на крај да направиме список кои книги сакаме да ги прочитаме.
Овој начин на запознавање на детската литература ни помага да ги воведеме децата во светот на книгите и да ја разбудиме свеста кон читањето не само на лектири туку и на книги наменети за нивна возраст.
Децата треба да ги сакаат книгите! Децата треба да другаруваат со книги…
Повеќе фотографии на следниот линк: NUUB Facebook