English French German Macedonian

Нови иновативни програми, Направи Selfie со твојата омилена книга

PDFПечатиЕ-пошта

НУУБ „Св. Климент Охридски“ – Битола Ве поканува да учествувате во креирањето на нови иновативни програми наменети овој пат за сите наши читатели. Секој читател е уникатен во креирањето навики и ритуали, додека ја чита својата омилена книга.

Каков читател сте Вие? Кое е вашето омилено место за читање или дел од денот кога најмногу поминувате време читајќи?

За тоа како изгледа едно ваше дружење со книгата која сега ја читате, ние Ве покануваме да ни испратите интересна фотографија.

„ Испратете ни фотографија од дружењето со вашата омилена книга “

Фотографиите можете да ни ги испраќате на следнава email адреса: Оваа е-пошта е заштитена од spambots, треба да вклучите JavaScript за да ја видите

Најуспешните фотографии ќе бидат објавени на нашите социјални мрежи, а како подарок ќе добијат и бесплатно едногодишно членство во нашата библиотека.

Ве очекуваме!

 

Книги кои мора да ги прочитате за време на новогодишните празници

PDFПечатиЕ-пошта

Почитувани читатели, поминете ги новогодишните празници со своите најблиски во својот дом и добрата книга. За  Вас ги издвоивме следниве наслови кои на свој начин ќе ја дополнат празничната атмосфера. Секоја книга има своја приказна...

- Чарлс Дикенс -  Штурец на огништето. Ова е петта од неговите познати т.н. Божиќни книги. Таа е една од неговите „големи дела“, топла бајка за домашното огниште, со идилична слика за семејната љубов и соседското пријателство, со добра композиција и вешт расплет...

-  Чарлс Дикенс - „Најдобрите приказни за духовите“. Сите добро ја знаеме приказната за Трите духови на Божиќ, таа и уште многу други одбрани приказни се дел од оваа книга...

-  Џон Гришам – „Да го избегнеш Божик“ – Писателот со еден духовит нараторски тон ги презентира возбудливите ситуации при обидот, на пример човек да има свој однос кон чествувањето на Божик. Делото претставува прекрасно четиво кое ќе го задоволи секој читател.

-  Миранда Дикинсон - „Се започна со бакнеж“. Колку далеку би можеле да отидете за да го пронајдете човекот од вашите соништа? ...Во последната сабота пред Божиќ....

-  Џон Грин, Морин Џонсон и Лорин Миракл – „Нека Снежи“. Најстрашната виулица во последните педесет години...Три зимски љубовни приказни...Една волшебна вечер...

Овие и уште многу други наслови чекаат на нашите полици да Ви ги исполнат празничните денови.

Ве очекуваме!

   

И оваа есен со многу нови наслови...

PDFПечатиЕ-пошта

Почитувани читатели, со задоволство Ве информираме дека и оваа есен Библиотеката продолжува со набавка на наслови кои вие ги баравте. Како најбарани нови наслови за оваа есен Ви ги издвојуваме:

- Сфинга на гневот - Жарко Кујунџиски

- Јуда - Амос Оз

- Повикот на кукавицата - Роберт Галбрајт

- Хотел тишина - Ојдур Ава Олафсдотир

- Одбивна среќа - Гиљермо Мартинес

- Заклучи ги сите врати - Рајли Сејгер

- Свекрва - Сели Хепворд

- Затворениот ковчег - Софи Хана

- Убиства со монограм - Софи Хана

- Мистеријата на трите четвртини - Софи Хана

- Солзите на Афродита - Хана Филдинг........

и многу други наслови кои Ве чекаат на нашите полици....

Ве очекуваме!

   

5 писателки за кои можеби не сте знаеле дека се жени!

PDFПечатиЕ-пошта

Во книжевниот свет, отсекогаш било нормално за жените да пишуваат под машки псевдоними за воопшто да можат да ги издадат своите книги и да бидат сфатени сериозно. Овој тренд најрано е забележан во 19 век.

Жените ретко се изложувале на ризикот да бидат одбиени затоа што се жени и го криеле своето име. Џејн Остин, која иако не пишувала под машки псевдоним, сепак својата прва издадена книга, „Разум и чувства“, ја потпишала под псевдонимот: „Дама“. Сестрите Бронте користеле машки псевдоними во одреден период од нивните животи. Луиза Меј Алкот била шампион за користење иницијали. Секоја од овие жени денес е сакана и позната под своето име.

Но, постојат писателки кои сѐ уште се познати по своите машки псевдоними, па често се случува многумина и да не знаат дека се работи за жена. Во продолжение прочитајте неколку такви примери, па можеби и самите ќе се изненадите!

1. Жорж Санд (1804–1876)

Ако има една работа која може да се каже за Амантин Лисил Орор Дипен, или најпозната како Жорж Санд, тоа е дека таа била жена која била многу понапред од своето време и жена која никогаш не оставила некого рамнодушен. Флобер и Балзак ја обожавале, Бодлер бил нејзин критичар. Таа пишувала книги, мемоари и драмски текстови и била озогласена поради нејзиното дружење со познати мажи како поетот Алфред де Мисе, композиторот Фредерик Шопен и писателот Проспер Мериме. Нејзини најпознати дела се „Малечката Фадета“ и автобиографскиот роман „Зима во Мајорка“.

2. Џорџ Елиот (1819–1880)

Мери Ен Еванс била решена нејзината книжевна работа да биде сфатена сериозно и затоа го направила она што било сосема логично во тоа време: го земала името Џорџ Елиот како нејзин псевдоним. Таа станала една од највлијателните писателки од тоа доба, издавајќи седум романи и уште неколку збирки со поезија и кратки раскази. Нејзините најпознати дела ги вклучуваат романите: „Мидлмарч“, „Адамс Бид“ и „Даниел Деронда“.

3. Вернон Ли (1856–1935)

Виолет Паже била британска писателка која го користела псевдонимот Вернон Ли за да ги објавува своите дела. Таа била прилично зафатена писателка, а денес е позната по своите есеи за уметноста, музиката, патувањето и по нејзините романи за супермоќи. Паже исто така била политички активна и позната пацифистка за време на Првата Светска војна и имала феминистички ставови. Таа имала врски и со жени, а како и Жорж Санд имала неконформистичко однесување за тоа време.

4. Исак Динесен  (1885–1962)

Во 1985 година, филмот „Надвор од Африка“ освои седум Оскари, вклучувајќи го и оној за најдобар филм. Филмот е екранизација на истоимената книга од данскиот писател Исак Динесен. Но, всушност позади тој псевдоним стои Карен Бликсен, а Исак Динесен не е единствениот машки псевдоним кој го користела. „Надвор од Африка“ не е единствената нејзина книга која е екранизирана, таа исто така го има напишано и романот „Гозбата на Бабет“ кој исто така беше екранизиран и добил Оскар за најдобар филм од неанглиско говорно подрачје.

5. Роб Турман

Вистинското име на Роб Турман е Робин, но всушност во оваа ситуација Роб не е псевдоним, затоа што Роб е прекар кој Робин го имала целиот свој живот. Но, сѐ до нејзината четврта книга, имало одредена мистерија околу нејзиниот пол. Инаку се работи за писателка која постојано е на листите на најпродавани книги.

Преземено од следниот линк.

   
Сподели на Facebook

Љубовта е
најблагодарната
слабост на умот.
Драјден


Уште немам сретнато
човек од кого што не
би можело нешто да
се научи.
Де Вињи


Чувај се од лутината на
трпелив човек.
Драјден


Страстите не се лечат со
разумност, туку само со
други страсти.
Берн


Срцето секогаш го мами
разумот. Разумот не може
долго да ја игра улогата
на срцето. 
Ла Рошфуко


Среќата е како на пазар;
често, ако можеш само
малку да почекаш,
цената ќе и падне.
Бекон


Честа е надворешна
совест, а совеста
внатрешна чест.
Шопенхауер


Некој е сиромав заради
пороци, а некој заради
доблести.
Секулиќ


Тој што ја сака работата,
ја работи полека, а тој
што се плаши од неа ја
работи брзо.
Кокто


Да се биде природен,
тоа е најтешка поза
на којашто човек може
да се сложи.
Баро


Никој не е сосема
образуван додека не
научи да молчи.
Хорациј


Оној што се одмаздува
за една подлост, прави
друга.
Борел


Нема поголема несреќа
во љубовта отколку
смртта на фантазијата.
Мередит


Оној што знае да ласка
знае и да клевети.
Наполеон


Никој не може да знае
сè, а срамно е и штетно
да се преправаш дека го 
знаеш она што не го знаеш.
Толстој


Сиот наш живот се
одвива меѓу она што
сакаме и она што
мораме.
Чапек Ј.


Жената треба да го чува
телото како богатство,
ако сака мажот да се
почуствува како копач
на злато.
Форман


Бидејки си роден како
човечко суштетство, ако
не им имаш дадено на
работите никаква
духовна смисла, личиш
на човек којшто од
земјата на скапоцените
камења се вратил со
празни раце.
Тибетски запис


Дарежливоста се состои
помалку во давањето на
многу, отколку во давање
на малку во вистинско време.
Ле Бриер


Со тоа што добрината ја
шириме околу себе
истовремено ја
зацврстуваме и во
самите себе.
Гарборг


Со растежот на
богатството, обично,
доблестите опаѓаат.
Вебер


На почетокот гревот во
твојата душа е туѓинец,
потоа е гостин, а кога ќе
се привикнеш на него,
тој станува домаќин.
Толстој


Времето ги зацелува
раните, доколку ранетиот
упорно не ги разранува.
Санд