Нови наслови

Во романот„ Зеро Зеро Зеро“ Савијано отворено раскажува за влијанието на кокаинот во модерниот свет, почнувајќи од глобалната економија до приватните животи на луѓето околу нас. Авторот вниманието го насочува кон патот низ кој минува кокаинот, поврзувајќи го како дел од модерната економија.
При читањето на книгата се добива чувство дека читате студија во која до најситен детаљ се опишани различни пресметки меѓу членови на мафијата, но сепак на крајот сфаќате дека длабоко сте навлечени во едно сведоштво поради кое засекогаш ќе го промените мислењето за светот околу вас.

Читај повеќе: „Zero, zero, zero“ - Роберто Савијано

Во Баксузи писателот се враќа на своето родно место, каде организираат бурлексна манифестација, Тур де Франс на пијаниците. Се запознаеме со татко му, Пјер, кој во поштенска торба на велосипедот го носи своето тукушто родено синче по сите кафулиња за да им го покаже на своите пријатели. Да не ги заборавиме и неговите мрзливи чичковци, за кои светското првенство во чашкомет е највисоката цел, а нивото мото е „Денот е пред нас, а ние се трудиме да го потрошиме“. Баксузи е моќна трагикомична ода на безделништвото во најекстремната форма, а истовремено и смешно претставување на младоста. Верхулст е моќен стилист, кој со чувството за динамика и наративна сила, го задржува интересот на читателите од првата до последната страница.

Читај повеќе: „Баксузи“ – Димитри Верхулст

Кога Американците се нудат да купат земјиште во Исланд за да изградат воздухопловна база за НАТО по Втората светска војна, низ целата земја почнуваат протести. Овој конфликт Лакснес го користи како катализатор на својата воодушевувачка и моќна сатира. Раскажан од селанка од северот, романот произлегува од нејзините искуства како куќна помошничка во домот на еден пратеник...
Остроумна и трогателна сатира на политиката и политичарите, комунистите и на антикомунистите, на лажните културни непријатели, големите бизниси и на сите тврдења за авторство. Ремек-делото на Лакснес, како коментар на општеството, е еднакво релевантно денес како и во времето кога е напишано во 1948 година. Во 1955 година Лакснес ја добил Нобеловата награда за литература.

Шако е актер што поголемиот дел од своето време го поминува уживајќи во секс со различни девојки и во дрогирање. Тој и неговите пријатели имаат малку интереси надвор од овие дејности. Во тоа време, Грузија e нападната од Русија. Иако главниот град може да го бомбардираат, па дури и да го гаѓаат со хемиско оружје, ним баш им е гајле. Додека Шако може да има орален секс и да ужива во дроги, сè е во ред. И кој да се грижи сега за Апхазија? Ова е „воен роман“ што нема ниту една борбена сцена и во кој сексот има централна важност бидејќи е претставен како метафора на војната.Заза Бурчуладѕе (1973) е современ грузиски писател. Дипломирал префинети уметности. До 2001 година објавувал под псевдонимот Грегор Замза. Превел многу руски автори, меѓу кои Достоевски и Сорокин. Во Грузија е популарен не само по скандалозните книги туку и како филмски актер.

Култниот шпански режисер Бигас Луна починал во период кога ја правел филмската адаптација за Ракопис за вториот настанок, книга во која се прикажува големата апокалипса. После крајот на светот, нормално, доаѓа новиот почеток, во кој иднината на човештвото е во рацете на една штотуку полнолетна девојка и едно 12-годишно момче, кои се чинат единствените преживеани. Седејќи и гледајќи кон мртвиот град, кој лежеше под нивните нозе како апокалиптички пејзаж, прават план за нивниот живот во иднината. Ова ремек-дело е прв обид на авторот Педроло во научно-фантастичниот жанр, со кој веднаш стана задолжителна лектира во шпанските училишта.