Нови наслови

Томас Ериксон е познат адвокат кој е брутално убиен во својот дом. Полицијата се наоѓа во необична ситуација – има проблем со пронаоѓање на осомничениот, бидејќи списокот на потенцијалните виновници е многу долг.

За да биде случајот уште посложен, прв осомничен е Еверт Бекстром – инспекторот кој е задолжен за истрагата на ова убиство. За среќа, Бекстром има одлична мрежа на сом нителни контакти кои му помагаат да ги испорача виновниците. Сè што треба да направи е да го прекрши секое правило кое му се наоѓа на патот и да затвори очи пред подмитувањето.

Овој пат ниту најкорумпираниот полицаец не би можел да предвиди во кој правец, ниту колку далеку, овој случај ќе го одведе Бекстром.

„Лејф Першон припаѓа меѓу ретките писатели кои со леснотија го забавуваат читателот, додека истовремено со многу цинизам и проникливост го привлекува вниманието врз неразубавената состојба во современото општество. Одличен роман!“

Сканска Дагбладет „Першон успева да го наведе читателот на момент да се чувствува исполнето, па на момент лукаво, но никогаш полукаво од својот полициски комесар, кој цело време е еден чекор пред нив.“ - Борас Тиднинг

Една грешка, една судбоносна вечер, и животот на Тес де Мело ќе се смени засекогаш…

1944 година – бремена, сама и преполна со вина, дваесет и тригодишната Тес де Мело не можејќи да живее во лага, одеднаш ќе се откаже од нејзината идна кариера како медицинска сестра и ќе стави крај на свршувачката со љубовта на нејзиниот живот. Таа ќе отиде да побара помош од таткото на нејзиното дете и ќе се согласи да се омажи со него, преселувајќи се во еден мал и рурален град, Хикори, во Северна Каролина. Новиот сопруг на Тес, Хенри Крафт, е човек со многу тајни. Тој често не спие дома, крие пари од неговата сопруга, и не покажува никакви чувства кон неа. Тес брзо ќе сфати дека е во замка и во брак без љубов од кој нема излез.

Кога во Хикори, одеднаш, ќе се појави вирусот полио,граѓаните ќе изградат болница. Тес знае дека е потребна, и покрај желбите на Хенри таа ќе работи таму. Таа ќе се пронајде во работата и ќе чувствува дека прави нешто значајно. А, сепак, однесувањето на Хенри ќе стане алармантно. Тес се бори да ги спаси животите на своите пациенти и се обидува да ја дознае вистината за нејзиниот сопруг и што се крие зад неговото однесување.

Таа се обидува да ја најде љубовта на нејзиниот живот и дали ѝ е судено да биде со него?

„Украдениот брак е приказна која нема да ве остави на мир до последната страница“ – All About Romance

„Читателите веднаш ќе потонат во оваа приказна! Не можеш да погрешиш кога е во прашање книга од Чејмберлен“ – Southern Pines Pilot

Француска ривиера, зима 1992 година. Кога подготвителната школа е затворена поради снежната бура, Венка Роквел, 19 годишна, една од насолидните ученички во нејзината генерација на програмата за пост-бакалауреат, бега со својот професор по филозофија со кого таа има тајна врска. За Венка „Љубовта е сè или ништо“. Никој нема да ја види повторно...

Француска ривиера, пролет 2017 година. Некогаш неразделните Фани, Томас и Максим (најдобрите пријатели на Венка) немале никаков контакт меѓу себе по завршувањето на средното училиште. Тие се сретнуваат за првпат по 25 години, на собирањето по повод средншколскиот јубилеј. Кога тие беа ученици, под ужасни околности, тројцата пријатели извршија убиство и го сокрија телото во ѕидот од спортската сала на нивното училиште. Сега салата треба да биде срушена за да се направи место за новата училишна зграда. Одеднаш ништо не може да ја спречи вистината да излезе на виделина.

Во оваа импресивна, фасцинантна приказна која потсетува на делата на Агата Кристи, Ло Блеклок, новинарка која пишува за списание специјализирано за патувања, ја добива задачата на својот живот: една недела на луксузно крстосување на брод со само неколку кабини. Небото е чисто, водата мирна, а префинетите, избрани гости се пријатни како и ексклузивниот брод Аурора, кој го започнува своето патување во живописното Северно Море. Во почетокот, престојот на Ло е сосема пријатен: кабините се луксузни, вечерните забави се блескави, а гостите елегантни. Но, како што изминува неделата, студените ветрови безмилосно удираат на палубата, небото станува сиво, а Ло сведочи на она што таа може да го опише само како мрачен и застрашувачки кошмар: една жена е фрлена во морето. Проблем? Сите патници стануваат осомничени и се земени предвид – и така, бродот плови како ништо да не се случило, и покрај очајните обиди на Ло да пренесе дека нешто (или некој) тргнало во ужасно, ужасно погрешна насока...

Со изненадувачки заплети, вратоломни пресврти и со опкружување кое се покажува како непријатно клаустрофобично, како што е зловесно убаво, Рут Веар нуди уште едно напнато и интензивно четиво во „Жената во кабината бр.10“, кое дури и најсигурниот читател ќе го остави во непријатно неспокојство долго откако ќе ја прочита последната страница.

Заразен психолошки трилер за група жени кои заедно се дружат во нивната група на мајки и неочекувано се поврзуваат кога доаѓа до трагедија. Се нарекуваат Мајските Мајки, бидејќи сите се имаат породено во истиот месец и се сретнуваат во паркот со количките, барајќи прибежиште од стресовите што доаѓаат со мајчинството; ги делат стравовите, радостите и советите што ги имаат како тазе мајки.

Една вечер по договор излегуваат без бебињата за да се опуштат малку, но токму таа вечер, нешто тргнува во ужасно лош правец: едно од бебињата го снемува од неговото креветче дома. Вини е самохрана мајка, која секако не сака да го остави бебето со дадилка, но другите жени инсистираат дека сè ќе биде добро и таа неволно попушта. Сега нејзиното бебе го нема, џандарите поставуваат вознемирувачки прашања и животот на затворената Вини се наоѓа под рефлектори. Кој е таткото на бебето? Каде всушност била мајката вечерта? Иако никој од групата мајки не е близок со резервираната Вини, три од нив преземаат големи ризици за да ѝ помогнат да си го најде синот. И кога новинарите почнуваат да им вадат душа на сите жени од групата, почнуваат да се разоткриваат штетни тајни, а браковите и пријателствата се ставени на голем тест.

Тој е моќен, арогантен и страшен. тој е нејзиниот најголем непријател…

Ројс Вестморленд, познат како Црниот Волк, е најмоќниот англиски воин и најомразениот непријател на Шкотска. Легенда на бојните полиња, легенда помеѓу жените во кралските палати, легенда од која трепери цела Шкотска.

Таа е горда, безобразна и непокорна. Таа не се предава…

Џенифер Мерик е храбра, тврдоглава Шкотланѓанка која живее за своето семејство, својот клан и својата земја. Кога одеднаш ја грабнуваат и завршува како заробеничка на озлогласениот Волк, нема намера да плаче и моли како беспомошна жена. А особено нема намера да го моли НЕГО, ужасниот мрачен маж кој сее смрт во нејзината земја откако знае за себе. Не, таа има намера да се бори – затоа што тоа е во крвта на кланот Мерик.

Двајцата се заплеткуваат во опасната мрежа на лојалноста и страста…

Двајцата лојални до срж и опасно темпераментни, полека ја губат волјата за војување кога во нив почнува да се буди нешто друго.