Настани

23-ти април Светски ден на книгата и авторските права

Последно освежено на Четврток, 23 Април 2020 16:54 Напишано од Administrator Четврток, 23 Април 2020 08:51

( 0 Гласа )

Во далечна 1995 година, УНЕСКО го прогласи 23-ти април Светски ден на книгата и авторските права, овој датум има уште едно посебно значење за Каталонија. Тоа е ден на Свети Ѓорѓи (Sant Jordi) ден на љубовта и литературата што се прославува во Барцелона и низ Каталонија преку иницијативата Книги и рози. Оваа глобално призната иницијатива што обединува книги, рози и љубов се пренесе надвор од границите на Каталонија со преку 150 активности кои се одржуваат секоја година во повеќе од 50 земји.

Како знак на благодарност, луѓето разменуваат книги и рози, а корените на оваа специфична прослава доаѓаат од мешавина на историски традиции. Од една страна, Св. Ѓорѓи е заштитник на Каталонија уште од 15 век, а од другата страна, тој се потпира на познатата легенда на Свети Ѓорѓи и змејот (витез го победува змејот, кој ги тероризираше селото и принцезата, а откако го убил змејот, Свети Ѓорѓи и ја дава на принцезата една прекрасна црвена роза) и старата средновековна традиција на посета на капелата Sant Jordi (Св. Ѓорѓи) во Palacio de la Generalitat во Барселона, каде порано се одржуваше саемот со рози или „саемот на љубовниците“. Затоа Св. Ѓорѓи (Sant Jordi) е исто така заштитник на Каталонија.

На тој ден во Каталонија се продаваат дури 1,5 милиони книги и над 6 милиони рози, а обичајот го шират и библиотеките ширум светот.

Иако годинешното славење на литературата ќе биде далеку од библиотеките и книжарниците, тоа нема да го намали значењето на овој значаен и признат датум ширум светот, како и пораките за значењето на читање кои ги споделуваме со Вас почитувани наши читатели.

Порака од УНЕСКО

Порака од Р Северна Македонија

Известување за читателите!!!

Последно освежено на Вторник, 31 Март 2020 13:45 Напишано од Слободан Пачовски Среда, 11 Март 2020 12:41

( 0 Гласа )

Почитувани,

Додека трае вонредната состојба НУУБ „Св.Климент Охридски“ - Битола нема да работи.

Согласно усвоените дополнителни заклучоци, мерки и препораки од Нацрт - записникот од Шеснаесеттата седница на Владата на Република Северна Македонија бр.44-2147/3 одржана на ден 11.03.2020 година (предлог заклучоци од Комисијата за заразни болести), точка 12 каде стои да се прекине со работата на библиотеките, студентските и ученичките домови на територијата на Република Северна Македонија.

Одлуката стапува во сила веднаш.

За престанокот на оваа одлука дополнително ќе бидете известени согласно состојбата и препораките.

Голем интерес за семинарот за Дислексија во Битола

Последно освежено на Четврток, 12 Март 2020 18:39 Напишано од Слободан Пачовски Понеделник, 09 Март 2020 14:36

( 0 Гласа )

Семинарот “Современи методи и алатки при работа со ученици со дислексија и дискалкулија” се одржа во НУУБ “Св. Климент Охридски” Битола, во соработка со Здружението за Дислексија Ајнштајн од Скопје, на ден 07.03.2020 година. Семинарот беше наменет за сите наставници/професори, специјални едукатори и рехабилитатори, педагози, психолози, логопеди, родители како и за сите заинтересирани граѓани.
Дамјан Николовски од Здружението за Дислексија Ајнштајн од Скопје укажа на потреба од едукација на родителите, но уште повеќе на наставниците за препознавање на проблемот кои води кон тешкотии со учење.

Од името на Библиотеката програмскиот раководител м-р Јелена Петровска зборуваше за важноста на ангажирањето на библиотеките во програмите на заедницата врзани со важни проблеми во едукативниот процес, во секојдневно живеење на граѓаните па се до заедничко креирање на библиотечните проекти. Беше најавена и претстојната кампања на библиотеката насловена како „Читај за да го промениш светот.
Семинарот го водеше водеше лиценцираниот предавач за корекција на дислексија, дискалкулија и АДХД по светски познатиот метод на Рон Дејвис г-ѓа Славица Тасевска Николовска од Скопје.
На семинарот учесниците имаа можност одблиску да се запознаат со принципите на Дејвисовата метода за корекција на дислексија, дискалкулија, диспраксија, диграфија и АДХД со примената на практичните алатки за учениците со дислексија кои може да ги користат за време на часовите, но и во домашни услови. Истиот беше поделен во два дела и тоа: Како да ја препознаете дислексијата, практични алатки за помош на деца со дислексија, односно потешкотии со читањето и учењето, стратегии за работа во класот во кој има ученици со дислексија, практични вежби за помош на деца со дислексија, совладување на азбуката, креирање на збор со пластелин, ментални алатки за обезбедување на фокусираност, мотивација и одговорност, стратегии за читање за деца со дислексија, практични алатки за помош на деца со дискалкулија, вовед во дискалкулија, како да ја препознаете дискалкулијата, практични вежби за помош на деца со дискалкулија, основни математички симболи, основни математички операции и Совладување на таблица за множење и Декадниот систем. Интерактивните вежби опфатија работа со глина со цел да се објасни суштината и значењето на јазикот, моделирање на збор кој е тежок за визуелизизација и вовед во математиката преку моделирање со глина. По завршување на семинарот сите учесници добија сертификат за учество и едукативни материјали за работа со ученици со дислексија и дислалкулија.

Приредила Лидија Мирчевска, виш библиотекар. На следниот линк следат ПОВЕЌЕ ФОТОГРАФИИ