English French German Macedonian

Нови наслови

Кукларот

PDFПечатиЕ-пошта

( 0 Гласа )

„Кукларот“ - е изненадувачки надреален роман, лудо одважен, пред се'. Читателот мора да му допушти на Гордер да го поведе на поинакво и интересно читачко искуство низ оваа необична семејна хроника . Истовремено, ова е само потресна, инспиративна приказна за осаменоста, за блискоста, за смислата на животот.

Гордеровата исклучителна наративна енергија, позната од неговите претходни книги, и во оваа го буди нашето љубопитство и не' преплавува со суштински животни прашања во кои наидуваме на едноставни, а толку моќни реченици: „Осаменоста полесно се поднесува во самотија отколку во пар“.

 

Ејми Сноу

PDFПечатиЕ-пошта

( 0 Гласа )

Ејми Сноу е девојка која, според сплет на околности, се искачи од трн на ѕвезда! Романот "Еми Сноу" може да послужи како инспирација за сите нас!

Заплетот на романот се наоѓа во викторијанска Англија, но хипокризата во денешно време можеби е поголема од тогаш! Во тоа време, барем јавно беше кажано дека „не сите бебиња вредат исто, дека нивната вредност зависи од многу нешта, особено од околностите на нивното раѓање и од каков вид на семејство доаѓаат“. Зарем и денес не се гледа на облеката и чевлите што се носат, автомобилот што го возиме, телефонот што го користиме ... и врз таа основа, проценуваме кој колку вреди!

Ејми Сноу е бебе кое беше фрлено од својата мајка во снегот. Но, малечката Орелија,  на чиј имот беше фрлена Ејми, ги разурнува стереотипите кои владеат за тоа време. Таа го зема бебето и го доведува во куќата. Грижата на семејството е очигледна, но за неа така несфатлива.

Интересен роман за тоа кон каде се движи современото општество погледнато од спрегите во кои живееше тогашна Европа во времето кое се користи како наратив во ова дело.

   

Куферот од Берлин

PDFПечатиЕ-пошта

( 0 Гласа )

Беше потребна храброст да се остане, но уште поголема да се замине..

Таа знаеше што мора да направи.

Што се памети најмногу од сè:

Страв?

Бол?

Глад?

Љубов?

Берлин 1992.

Вера Милер е успешен адвокат, позната по решавање и на најзамрсените случаеви на исчезнување на луѓе по падот на Берлинскиот ѕид.

Сепак, таа никако не успева да влезе во трага на нејзините билошки родители.

Нејзиниот живот е организиран, постојан и мирен се додека во канцеларијата не влезе Ханс Бауер, старец на залезот на својот живот.

Сè што бара од Вера е да му помогне да ја пронајде својата одамно изгубена љубов...

 

Левијатан

PDFПечатиЕ-пошта

( 0 Гласа )

Борис Акунин е еден од најпознатите руски автори на криминалистички романи. Во неговите дела Западната критика ги препознава Гогољ, Толстој и Конан Дојл. Неговите книги само во Русија, се продадени во над 10 милиони примероци, што навистина зборува многу за неговата популарност.

Иако сè се случува на бродот „Левијатан“, огромен луксузен брод од прва класа, кој плови од Париз до Калкута, сепак дејството е веќе започнато кога пред две недели, кога во Париз е убиен страствен колекционер на индиски артефакти.

Покрај него, се убиени целото негово семејство и целата послуга. Дури десет мртви тела лежеа на подот на луксузната вила на улицата „Де Гренел“ во Париз, меѓу кои и сопственикот, г-динот Литлби. Се укажува на тоа дека сите се отруени со морфиум, а само г-динот Литлби е убиен со тап предмет. Дали злосторникот не препуштил ништо на случајот? Или сепак бил изненаден кога забележал дека и домаќинот е дома?

Јавноста овој масакр го квалификува како „Злосторот на векот“. Исто така е провалено во витрината, каде што г-динот Литлби ги чувал своите вредни артефакти. Украдена е статуа на еден индиски врховен бог, со која се смета дека е убиен и домаќинот и една марама. Сега две недели подоцна сите осомничени се наоѓаат меѓу илјадниците патници на бродот „Левијатан“. Француската полиција го испраќа својот најдобар детектив за да ја разреши мистеријата. Тоа е инспекторот Густав Гош, но во истрагата се замешува и еден руски детектив по име Ераст Фандорин, случаен патник на бродот.

Од ден на ден напнатоста расте, а кулминира кога многумина од осомничените раскажуваат наоколу дека веќе знаат кој е убиецот. Потоа злото надвиснува на бродот и еден од патниците, а и можните осомничени, професорот Свитчајлд е убиен со хирушки скалпел. Потоа се случуваат уште многу други неибични настани, кои сомнението го фрлаат врз друго лице. Откако г-динот Фандорин ја докажува неговата невиност, повторно на сцена стапува украдената марама од вилата во Париз. Таа е една од клучните пазли во сложувалката за разрешување на сите злосторства. Што е тоа магично што во себе го има таа марама? Дали таа му припаѓа на убиецот?

Потоа се случува уште една несреќа. Еден од осомничените се обидува да предизвика пожар, го заземува бродот и го упатува кон карпа. Дали тој е убиецот или сепак тоа е уште една лажна трага, која ја наместил вистинскиот монструм? Потоа се случува и она најнеочекуваното- инспекторот Гош е убиен со четири куршуми. Сега се останува на г-динот Фандорин. Само тој може да ја реши огромната мистерија, исплеткана со јазоли на секој втор чекор. Дали многумина од осомничените не се она што се претставуваат? Дали ќе има следна жртва и како ќе се избегне можноста целиот брод да потоне, а со себе да ги потопи и сите докази?

На што сè е подготвен убиецот за да не биде откриен?- дознајте откако ќе го прочитате овој фасцинантен роман. Можеби ви кажав и премногу, но крајот не можете ни да го замислите, а ни сè она друго што ќе се случи пред да се расплете мистеријата. Едно е сигурно- книгата нема да ја оставите додека не ја прочитате.

   

Паднатите ангели

PDFПечатиЕ-пошта

( 1 Глас )

Семејна сага што ќе ве одведе на едно прекрасно патување во Ирска, продолжува во возбудливиот Лондон и преку златното доба на Холивуд завршува некаде во осумдесеттите години од минатиот век.

Една зимска ноќ во 1958 година, на прагот од портите на сиропиталиштето „Милосрдни сестри“, оставено е женско новороденче.

По една година, филмската ѕвезда Френсиз Фицџералд ќе настрада во сообраќајна несреќа. Сите се сомневаат дека нејзиниот богат сопруг знае нешто повеќе околу трагичната несреќа.

Кара, ќерката на Френсиз, после долги години решава да ја открие мистеријата. По тешкото детствто поминато во сиропиталиштето , младата жена станува успешна новинарка. Меѓутоа постојано се бори со траумите од младоста. Животот ја научил никому да не му верува.  Решава, за да ги победи траумите и проблемите, да ја открие тајната за смртта на мајка си. Кара тргнува по вистината, не мислејќи дека тоа може целосно да ја уништи...

 

Колера маало

PDFПечатиЕ-пошта

( 0 Гласа )

Колера Маало е иронично име за местото Долапдере, каде што е и Музејот на полскиот поет Адам Мицкиевич, кој во овој кварт починал од колера во 1855 година. И самиот оригинален наслов на книгата Ağır Roman има двосмислено значење. Зборот roman во турскиот јазик означува и „циган“ и „роман“. Заедно со придавката ağır која што означува и „тешко“ и „забавено“, Колера Маало е трагична приказна за главниот лик, кој израснал во таа расно, етнички и верски мешана средина и што на крајот извршува самоубиство. Како и главниот лик во романот, Салих – Сила, авторот Метин Качан во 2013 година, на 51 година извршил самоубиство, скокајќи од еден мост на Босфорот… …Неговите дела се андерграунд реалност, преполни се со проститутки, наркомани, хомосексуалци, сексуални манијаци, религиозни фанатици, банди, малолетници - деликвенти, невини занаетчии, насилства, мачења, убиства и како што изјавувал самиот Метин Качан, сатирично пишувајќи за ликовите што сам ги измислил, ја изгубил контролата над нивните животи и судбини… Метин Качан (Metin Kaçan), (1961 – 2013) е турски автор што е најпознат по романот Ağır Roman (Колера Маало) кој е преведен на повеќе јазици и според кој е снимен истоимениот филм во режија на Мустафа Алтиоклар (1999). Голем дел од творештвото на Качан се поврзува со неговиот живот во сиромашниот кварт Долапдере (блиску до плоштадот Таксим).

   

Страница 6 од 18

Сподели на Facebook
Барај книга
Банер
Банер
Банер
Банер
Банер
Банер
Банер
Банер
Банер
Банер
Банер
Банер
Банер