English French German Macedonian

Нови наслови

Разговори со Бога

PDFПечатиЕ-пошта

( 0 Гласа )

Замислете да можете на Бога да му ги поставите најмистериозните прашања и претпоставете дека Бог ви дал разбирливи и јасни одговори. Тоа му се случило на Нил Доналд Волш. А може да ви се случи и вам. Подгответе се за еден необичен разговор што ќе ви го смени животот!

Во еден тежок период од својот живот, Волш напишал луто писмо до Бога, прашувајќи го зошто животот му е неуспешен на сите полиња. И потоа слушнал глас: „Дали навистина сакаш одговор на сите овие прашања?“ Волш почувствувал дека одговорите му проблеснуваат во свеста и одлучил да ги запише. Дијалогот што следувал е книгата што ја држите в раце.

Таа дава одговори на прашањата што сите ние си ги поставуваме: за животот и љубовта, меѓучовечките односи, доброто и злото, вината и гревот, простувањето и спасението, рајот и пеколот... Отворено зборува за моќта, парите, сексот, децата, бракот, разводот, здравјето, животното дело, иднината, минатото, сегашноста... Ги истражува војната и мирот, земањето и давањето, видливото и невидливото, вистината и лагата, конкретното и апстрактното...

Понекогаш се појавува книга чија длабока мудрост од корен ќе ве смени. Разговори со Бога од Нил Доналд Волш е токму таква книга. Ќе ви помогне да се сетите кои сте навистина, зошто сте тука и која е повозвишената цел на животот. Ќе ви овозможи длабоко духовно будење и ќе го означи почетокот на едно посебно патување за духовен развој и проширување на свеста.

 

Граница

PDFПечатиЕ-пошта

( 0 Гласа )

Оваа ведра книга, во исто време, во својата интимна текстура, сведочи и за балканскиот трагизам. Авторот не ни зборува само како албански бегалец, емигрант, екс Југословен, македонски државјанин, туку сведочи и како балкански човек, живеејќи и носејќи ги во себе судбините на толку многу поврзани, мешани, делени, противставувани култури... Едгар Морен

Граница е шеснаесеттиот роман од Балканската сага на Луан Старова (Татковите книги, Времето на козите, Атеистички музеј, Пресадена земја, Балкански клуч, Патот на јагулите, Тврдина од пепел, Ервехе – книга за една мајка, Во потрага по Елен Лејбовиц, Љубовта на генералот, Амбасади, Нови амбасади, Балканвавилонци, Балкански жртвен јарец и Враќањето на козите). Француската книжевна критика овие романи ги вбројува во редот на големите европски романи.

Границата е релативно нова идеја на Балканот. Нараторот во неколку големи поглавја раскажува еден век граница преку доминантните ликови и нивните разгранувања во светот во текот на XX век: Дедото, Бабата, Таткото, Мајката и самиот раскажувач. Со својата нарација, како и со оригиналните фотографии, оваа книга е значајна книжевна творба за балканските граници, за нивната вплетеност во судбината на луѓето.

   

Девојката што пишуваше на свила

PDFПечатиЕ-пошта

( 0 Гласа )

На островот Оркас штотуку дипломираната Инара Ериксон го истражува имотот на својата неодамна почината тетка, која ѝ го оставила во наследство. Случајно наоѓа внимателно скриено, извезено парче свила. Додека ги разоткрива слој по слој тајните што тоа ги крие, животот почнува да ѝ се испреплетува со животот на Меј Лиен, младата Кинезинка што пред повеќе од еден век била протерана од својот дом. Низ приказните што Меј Лиен ги раскажува везејќи ја свилата, Инара ја дознава трагичната вистина што длабоко ќе го потресе нејзиното семејство, а неа ќе ја натера да се осмели на незамислив чекор...

Инспириран од вистински настани, брилијантниот историски роман на Кели Естиз е потресна приказна за две жени поврзани со времето и судбината. Жени со силен дух и достоинство, цврсто решени да постапат правилно, независно од цената што треба да ја платат. Зашто додека не се каже вистината за минатото, не може да се најде спокој во сегашноста.

„Девојката што пишуваше на свила е преубав, елегичен роман, извезен фино и деликатно, токму како што навестува и самиот наслов. Кели Естиз ткае волшебна приказна што го осветлува минатото во сета негова суровост и убавина, како и човечноста што нè спојува сите нас.“ Сиетл викли

 

Станица единаесет

PDFПечатиЕ-пошта

( 0 Гласа )

Романот „Станица единаесет“ е исклучително моќен и потресен спој на семејна драма и апокалиптична научна фантастика. Напишан со спокоен, интимен тон, романот прикажува сценарио за крајот на светот кое можеби е во доменот на фантастичното, но секако не е невозможно.

По појавата на грузиски грип, над 99 проценти од светското население умира. Преживеаните ќе се соочат со еден сосем поинаков свет, на кој одново ќе мора да се адаптираат за да преживеат. Среде хаосот на апокалипсата, една група уметници решаваат дека не е доволно само да се преживее, па ја формираат „Патувачката симфонија“ – трупа на актери и музичари кои патуваат низ опустошениот нов свет и изведуваат класични концерти и драми...

Преплетувајќи повеќе ликови и приказни во своевиден метафизички трилер, Станица единаесет изгледа како сложена и грандиозна симфонија, во која читателот ќе биде оставен без здив.

„Вознемирувачки роман за сериозни теми, кој истовремено е преполн со нежност и лиричност. Елегантноста на стилот на Емили Мандел е доведена до перфекција, а нејзините описи се толку живи и силни што ќе ве следат уште долго откако ќе го прочитате романот.“ New York Times

„Тешко е да се замисли роман кој би бил посоодветен за денешната политичка, еколошка и општествена ситуација. Дистописка научна фантастика во своето најдобро издание.“ The New Yorker

„Изненадувачка и прекрасна приказна за топлината и сложеноста на меѓучовечките односи среде свет кој неповратно се распаѓа.“ The Washington Post

   

Олива Кетриџ

PDFПечатиЕ-пошта

( 0 Гласа )

„Олива Кетриџ“ е дело на американската авторка Елизабет Страут, напишано во форма на 13 кратки раскази, меѓусебно поврзани, но испрекинати во поглед на нарацијата.

Олива Кетриџ е пензионирана учителка во мал крајбрежен град во Мејн, која, како што старее, се бори со промените во својот живот. Таа е жена што навлегува во суштината на оние околу неа, на нивните победи и порази. Еднаш груба, другпат трпелива, понекогаш шрониклива, понекогаш не може да се помири со вистината, Олива ги презира промените во нејзиниот мал град и во светот воопшто, но некогаш не ги препознава промените кај оние со кои е опкружена: пијанистката прогонувана од дамнешната љубов; поранешниот ученик што ја изгубил волјата за живот; возрасниот син измачуван од нејзината неразумна раздразливост; и сопругот Хенри, за кого преданоста на бракот е и благослов и клетва.

 

Жега и прав

PDFПечатиЕ-пошта

( 0 Гласа )

Жега и прав е приказна за две жени што ја посетуваат Индија и влијанието што го има земјата врз нив. Едната е убавата и разгалена Оливија, што се досадува во еден мал, задушлив град каде што нејзиниот сопруг работи во државна администрација. Мечтаејќи по страсти и независност, Оливија ја вџашува англиската заедница во Индија, напуштајќи си го сопругот за индиски принц, создавајќи скандал што тлее во колективното сеќавање долго по нејзината смрт. Другата е нејзината правнука што педесет години подоцна се враќа во жегата, правта и валканиот пазар во Сатируп за да ја реши загатката за скандалот на Оливија...

   

Страница 5 од 22

Сподели на Facebook
Барај книга
Банер
Банер
Банер
Банер
Банер
Банер
Банер
Банер
Банер
Банер
Банер
Банер
Банер