На иницијатива на Националната установа Универзитетска библиотека „Св.Климент Охридски“ - Битола, се одржа првата заедничка средба на сите училишни библиотекари во градот Битола. Октомври е меѓународен месец на училишните библиотеки и претставува можност сите заедно да одбереме еден ден во октомври за да ја прославиме важноста на училишните библиотеки. Темата во 2018 година е "Зошто ја сакам мојата библиотека ". Оваа година се фокусираме на влијанието на училишните библиотеки и избравме тематска формулација за која веруваме дека ќе биде достапна за сите наши учесници (на возраст од 3 до 18 години).
Oтворена изложбата „За изгубениот Сефардски свет од Западен Балкан“
Во битолската библиотека на ден 04.10.2018 година, беше отворена изложбата „За изгубениот Сефардски свет од Западен Балкан“ која е посветена на сефардските заедници кои за време на Втората светска војна беа целосно уништени. А токму во Битола беше една од најголемите еврејски заедници, рече директорот на Меморијалниот центар на холокаустот на Евреите од Македонија, Горан Садикарио. Целта на изложбата е да се развијат едукативни програми со кои ќе се зачуваат спомените за Евреите.
Читај повеќе: Oтворена изложбата „За изгубениот Сефардски свет од Западен Балкан“
