English French German Macedonian

Настани

СВЕЧЕНО ПУШТЕН ВО УПОТРЕБА НОВОИЗГРАДЕН ПРОСТОР ВО НУУБ „СВ. КЛИМЕНТ ОХРИДСКИ“ – БИТОЛА

PDFПечатиЕ-пошта

( 0 Гласа )

Министерката за култура на Република Македонија, Елизабета Канческа – Милевска, во присуство на бројни посетители, новинари и вработени во Установата, на 23.02.2015 год., со почеток во 11 часот, свечено ги пушти во употреба новоизградените простории во НУ Универзитетска библиотека „Св. Климент Охридски“ – Битола, чија изградба беше финансирана од страна на Владата на Република Македонија.
Новиот простор кој опфаќа околу 500 м2, е современ и функционален и ќе биде наменет за корисниците на услугите на Библиотеката и воопшто граѓаните на Битола и пошироко.
Со оваа инвестиција издвоена од буџетот на Министерството за култура, заврши целосната надградба на Библиотеката, почнувајќи од зафатите за реконструкција на фасадата на стариот дел од Библиотеката, па се до обезбедувањето на нов корисен простор за читателите – истакна Министерката за култура на одржаната Прес-конференција.


За време на посетата во Битола, во просториите на Библиотеката, Министерката оствари средба и со директорите на Националните установи од областа на културата и со Градоначалникот Владимир Талески.
После свеченото давање во употреба на новоизградениот простор во Библиотеката, беше одржана и Прес-конференција за медиумите, на која што покрај Министерката Елизабета Канческа – Милевска, која ги наведе најзначајните идни чекори во остварувањето на позначајните проекти од областа на културата кои се планираат да се реализираат во Битола, се обрати Градоначалникот Владимир Талески, кој ги поддржа и истакна сите активности кои се планираат и преземаат во областа на културата во Општина Битола, како и Директорот на Библиотеката Науме Ѓоргиевски, кој се заблагодари на Министерството за култура за целосната поддршка во сите активности на Установата и сè што до сега е направено во просторен поглед, а се официјализира токму на 70-годишнината од постоењето на Библиотеката.

 

Посета на ученици од ОУ „Гоце Делчев“ - Битола, 05.02.2015

PDFПечатиЕ-пошта

( 0 Гласа )

На ден 05.02.2015 година, ученици од ОУ „Гоце Делчев“ - Битола ја посетија Библиотеката. При тоа ја разгледаа детската библиотека, библиотечната музејска потавка, начинот на работниот процес во Библиотеката, а особено се интересираа за електронските начини на пребарување на библиотечниот материјал од фондот на Библиотеката.

   

Отворена изложбата за Мајка Тереза, 17.12.2014

PDFПечатиЕ-пошта

( 0 Гласа )

Во присуство на бројни посетители, на ден 17.12.2014 (среда) со почеток во 12 часот, во просториите на НУУБ „Св. Климент Охридски“ – Битола беше отворена изложба на тема „Мајка Тереза – вечниот ангел на милосрдието“. При отворањето со пригоден текст се обрати директорот на Библиотеката г-дин Науме Ѓоргиевски и директорката на НУ Спомен куќа на Мајка Тереза, г-ѓа Рената Кутера – Здравковска како и комесарот на изложбата Цветанка Вучковска - кустос во НУ Спомен куќа на Мајка Тереза, а свечено беше отворена од страна на Примариус д-р Димитар Котевски. Во склоп на програмата беше изведена музичка нумера компонирана на текстот од поемата „Проштевање“ напишан од Мајка Тереза, а во изведба на кант авторот Драган Мијалковски.
Изложбата насловена „Мајка Тереза - вечниот ангел на милосрдието“ е дел од Културниот караван - проект на НУ Спомен куќа на Мајка Тереза. Оваа патувачка изложба својот прв успех го доживеа  во 2012 година во Струмица, а во 2013 година беше претставена пред публиката во Крива Паланка.
Оваа година, во соработка со НУУБ „Св. Климент Охридски“ , со животот и делото на Мајка Тереза имаат можност да се запознаат и битолчани.  Проектот е целосно поддржан од Министерството за култура на РМ, во рамки на Годишната програма за проекти од национален интерес во културата.
На изложбата се претставени ретки фотографии од младоста и детвството на Гонџа Агнес Бојаџиу, период кој го поминува во Скопје заедно со нејзиното семејство. Фотографии од нејзините посети во Скопје, нејзиниот погреб и беатификација. Исто така се приложени и ексклузивни фотографии од нејзината мисионерска работа во Калкута како и незината посета на Хрватска, откупени од хрватскиот фотограф Звонимир Атлетиќ. Во склоп на изложбата беа проектирани и документарни филмови за хуманистката Мајка Тереза: нејзината посета во Скопје, говорот по повод добивањето на Нобеловата награда за мир и др.
Освен прикажувањето на животот и делата на Мајка Тереза, на оваа изложба беше промовирана и Спомен куќата, преку штандот со публикации и сувенири за Мајка Тереза.
Изложбата „Мајка Тереза - вечен ангел на милосрдието“  која се одржа во НУУБ „Св. Климент Охридски“ во Битола е резултат на успешна соработка помеѓу директорите на двете институции м-р Раната Кутера Здравковска и Науме Ѓоргиевски. Комесар на изложбата беше Цветанка Вучковска - кустос во НУ Спомен куќа на Мајка Тереза, а за делот наменет за промоција и маркетинг на спомен куќата беше одговорна Даница Ангова. Изложбата ќе биде поставена до крајот на месец декември.

   

Страница 200 од 280

Сподели на Facebook