English French German Macedonian

Настани

X. Роднокрајна средба со битолските писатели од Македонија, 28.05.2015

PDFПечатиЕ-пошта

( 0 Гласа )

На ден 28.05.2015 година во 10.30 часот во Роднокрајната читална при НУУБ „Св.Климент Охридски“ – Битола се одржа X. роднокрајна средба со битолските писатели од Македонија, а темата на Традиционалната тркалезна маса беше „Творечката имагинација и уметникот во моите дела“. Од оваа средба ќе биде издаден X. Зборник на излагања со кои се претставија писателите.

 

„За зборот наш и сонцето“ - Радован П. Цветковски

PDFПечатиЕ-пошта

( 0 Гласа )

Во бројните активности по повод 9 мај, датум на кој годинава се одбележуваат 70 години од денот на победата над фашизмот, бече вклучена денешната промоција на збирката на современа револуционерна поезија „За зборот наш и сонцето“. Писателот Радован П. Цветсковски се осврнал на значајните историски настани и ликови од периодот на двата илиндена.

 

 

 

 

 

 

 

 

 

 

Во НУУБ „Св. Климент Охридски беше промовирана збирката на современа револуционерна поезија „За зборот наш и сонцето“ од битолскиот поет Радован П. Цветковски.Поводот за објавување на оваа поетска книга е големиот јубилеј 70-годишнината од Денот на победата на фашизмот, 9-ти мај.

Книгата всушност содржи револуционерни песни, кои се посветени на Втората светска војна но и порано во историјата. Меѓу нив се стиховите од плочите кај Црн Мост, за Стив Наумов, Мите Богоевски, Крсте петков Мисирков и др“ рече Цветковски.

Цветковски преку збирката „За зборот наш и сонцето“ потенцира дел од историските настани од битолскиот регион и неговата околина, но исто така и личности и револуционери кои имале свој удел за време на двата илиндена.

Денес малку се пишува револуционерна поезија и токму затоа за мене беше предизвик за овој датум да ја објавам оваа збирка“ истакна Цветковски.

Оваа збирка на современа револуционерна поезија е издадена од Општинскиот одбор на Сојузот на борците од Народно ослободителната и антифашистичка војна во Македонија. (текстот е превземен од тв Орбис)


   

Светски ден на книгата и авторското право 2015

PDFПечатиЕ-пошта

( 1 Глас )

Светскиот ден на книгата и авторското право кој се слави на 23 април, денеска беше одбележан и во нашиот град. По тој повод во НУ универзитетска библиотека Св Климент Охридски беа организирани низа активности со кои се величи книгата и нејзината моќ. Беше прочитана пораката на генералниот директор на УНЕСКО, Ирина Бокова како и македонската порака од академик Луан Старова.

Идејата а одбележување на овој ден потекнува од Каталонија, каде на 23-ти Април на денот на католичкиот празник Св.Јурја, традиционално се подарува ружа за секоја подарена книга , традиција која трае скоро 100 години.
Се смета дека токму оваа дата е избрана затоа што на 23-ти Април како повод е земена и смртта на великаните на светската книжевност Мигуел Де Сервантес и Вилијам Шекспир, потсети на денешната свеченост директорот на универзитетската библиотека во Битола Науме Ѓорѓиевски по повод Светскиот ден на книгата и авторското право.

Пред љубителите на книгата денеска беше прочитана пораката на генралниот директор на УНЕСКО Ирина Бокова. Целта на сите активности што се преземаат на овој ден е да се признае моќта на книгата и што се таа може да постигне.

Живееме во време на планетарно братство, кога човештвото се соочува со новите предизвици и приоритети на колективниот опстанок, време кога нови научни парадигми на развојот брзо ги заменуваат старите. И во овие времиња, и покрај своите метаморфози предизвикани од дигиталната револуција, книгата не престанува да ги здружува луѓето, да ги урива границите во времето и просторот, да истрајува како светилник на надежта, се вели во македонската порака од академик Луан Старова.

Денеска се слави и авторското право над книгите. Во таа насока со носењето на новите закони во нашата држава на солиден начин се надминуваат сите оние проблеми од пред 15 години кога во Македонија се печатеше се и сешто и секој можеше да пречати. За среќа читателите може да стигнат за многу кусо време до многу светски брендови, изјави директорот Ѓорѓиевски.

По повод денешниот ден беше одржано литературно читање и изложба насловена „Ѕвездите на светската книжевност“, на која беа поместени 150 светски книжевни брендови.

 

 

 

 

 

 

 

 

 

 

 

 

 

 

 

 

 

   

Страница 197 од 280

Сподели на Facebook