English French German Macedonian

Настани

подготвува Фатма Бајрам Аземовска

Остварена меѓународна соработка помеѓу Градската библиотека од Задар и НУУБ „Св. Климент Охридски“ - Битола

PDFПечатиЕ-пошта

( 1 Глас )

На 21.07.2011 година, претставници од НУУБ „Св. Климент Охридски“ – Битола, во состав: Анета Стефановска, Илче Стојановски и Зоран Јанакиевски престојуваа во Градската библиотека во Задар, Р. Храватска, како дел од проектите за меѓународна соработка одобрени од Министерството за култура на Р. Македонија за 2011 година. Во програмскиот дел од посетата во Градската библиотека во Задар, покрај разговорите за соработка со директорот Иван Пехар и неговите соработници беше разгледана Библиотеката, а во продолжение преку мултимедијална програма, во мултимедијалната сала на Градската библиотека во Задар пред присутните беше претставена Р.Македонија, градот Битола и НУУБ „Св. Климент Охридски“ – Битола. Во вториот дел од програмата беше потпишан Договор за заедничка соработка меѓу Библиотеките од Битола и Задар, а воедно беше отворена изложба на 30-тина наслови, книги – изданија на НУУБ „Св. Климент Охридски“ – Битола, при што истите им беа подарени на домаќините – Градска библиотека – Задар и истите ќе станат дел од нивниот книжен фонд. Во третиот дел од Програмата пред присутните беа претставени две книги – изданија на НУУБ „Св. Климент Охридски“ – Битола, и тоа „Библиотеките во Битола“ и „Библиотеките во црквите и манастирите во Преспанско – пелагонискиот регион“. Во текот на посетата исто така се оствари средба и со Мирјана Мајиќ - претставник на Македонското национално малцинство за Задарска жупанија, како и други присутни членови кои ја следеа програмата и кои допринесуваат за соработката помеѓу хрватскиот и македонскиот народ. Во врска со потпишаниот Договор за соработка се огласи и Задарската жупанија со пригодна порака во која ја поздрави соработката помеѓу двете земји и библиотеки, воедно напоменувајќи дека Македонците се добар и топол народ со кој секогаш е задоволство да се соработува.

 

Слушај книга

PDFПечатиЕ-пошта

( 1 Глас )

НУ Универзитетска библиотека „Св.Климент Охридски“ во соработка со Студентското радио УКЛО ФМ и Детската градинка „Естреја Овадија Мара“ го организира настанот „Слушај книга“.

Настанот  се одржа на ден 09.06.2011 година (четврток) со почеток во 11.00 часот, во просториите на НУ Универзитетска библиотека „Св.Климент Охридски“.

Ваков тип на настан прв пат се одржува во Македонија и има за цел да промовира иновативни начини на дружење со книгата.

На настанот е промовирана иницијативата на НУ Универзитетска библиотека „Св.Климент Охридски“ за креирање аудио библиотека на книги. Ова е особено важно бидејќи: некои луѓе имаат проблем со видот, постојат луѓе кои од различни причини не се во можност да читаат книги, читањето им претставува напор, подобро се релаксираат и чувствуваат слушајќи книга, при долги патувања може да слушаат книга, некои луѓе подобро се концентрираат и помнат слушајќи книга, малите деца сакаат да слушаат книга, некои луѓе не можат да држат книга во раката.

Преку настанот сакаме да им дадеме шанса на сите подеднакво да уживаат во содржините на книгата. Книгата е посебна цивилизациска придобивка, а со развојот на техниката и технологијата и нивната достапност не мора да се само на хартија.

Во студиото на Универзитетското  радио УКЛО ФМ е снимена  приказната Снежана и седумте џуџиња. Додека се слушаше приказната, децата кои ја посетуваат детската градинка „Естреја Овадија Мара“, изведоа драматизација на истата приказна.

 

Заинтересираните читатели – слушатели ќе можат да ја слушаат приказната „Снежана и седумте џуџиња“ на следниот линк

http://soundcloud.com/ljucbt/track

   

МУЗЕЈ - БИБЛИОТЕЧНА ПОСТАВКА 02.06.2011

PDFПечатиЕ-пошта

( 4 Гласа )

Во НУ - Универзитетска библиотека „Св. Климент Охридски“ – Битола  свечено се отвори МУЗЕЈ - БИБЛИОТЕЧНА ПОСТАВКА, единствениот библиотечен музеј во Македонија, но и во поширокиот регион.

Отворањето беше на 02.06.2011 во просториите на НУУБ „Св. Климент Охридски“ – Битола.

 

донација од ЕЛЕМ електрани на Македонија

 

 

Читај повеќе: МУЗЕЈ - БИБЛИОТЕЧНА ПОСТАВКА 02.06.2011

   

Страница 159 од 207

Сподели на Facebook
Барај книга
Банер
Банер
Банер
Банер
Банер
Банер
Банер
Банер
Банер
Банер
Банер
Банер
Банер