English French German Macedonian

Настани

Читаме на глас бидејќи читањето е забава!

PDFПечатиЕ-пошта

( 1 Глас )

НУУБ „Св. Климент Охридски“- Битола на 8.04.2021 година во соработка со ООУ „Елпида Караманди“- Битола спроведе прекрасна онлајн работилница под насловот

„ Читаме на глас бидејќи читањето е забава!“

Учениците од 4 одделение под менторство на наставничката Џенет Тасковска читаа кратки раскази на англиски јазик, со што покажаа колку е важно да се чита на глас. Користејќи ги правилно интерпункциските знаци ја доловија секоја приказна со многу емоции.

Ова е само почеток од едно прекрасно дружење, бидејќи по барање на учениците за брзо ќе имаме уште читања со учениците од ова училиште.

Секоја соработка во ова време на пандемија кажува дека животот се адаптира, а активностите се приспособуваат спрема потребите. Затоа сакаме да изразиме огромна благодарност до наставничката Џенет Тасковска и до учениците: Викторија Лазаревиќ, Димитар Договски, Кире Стојановски, Лана Ефтимовска, Меланија Паневска, Миа Поповска, Ноела Нечковска, Петар Јошевски, Петар Христовски кои први се пријавија и беа дел од оваа активност и до сите ученици кои бараа да бидат дел во наредните читање.

 

Читањето треба да биде забава!

PDFПечатиЕ-пошта

( 0 Гласа )
Пред неколку недели на учениците од VI одделение од ООУ „Елпида Караманди“ - Битола, им беше дадена листа на наслови од книги наменети за нивната возраст. Тие имаа задача да изберат еден наслов на книга, чија корица ќе ја дизајнираат. Целта беше тие самите да ја осмислат и нацртаат насловна страница според насловот на книгата кој го имаат одбрано, а потоа да можат да направат споредба со оргиналната корица.
На оваа задача тие се покажаа дека можат да бидат многу добри илустратори на насловни страни на книги. А за тоа можете и сами да се уверите.
На 31.3.2021 година НУУБ „Св.Климент Охридски“ - Битола, во соработка со наставничката по македонски јазик Маја Јанакиевска од ООУ „Елпида Караманди“ - Битола, преку онлајн работилница им беше поставена и втората задача. Учениците можат да ја изнајмат книгата чија корица ја дизајнираа и со истата да направат и да ни испратат интересно селфи.
Читањето треба да биде забава!
А ние најдобрите ученици ќе ги наградиме!
   

СВЕТСКИ ДЕН НА ЛИТЕРАТУРАТА ЗА ДЕЦА

PDFПечатиЕ-пошта

( 0 Гласа )

НУУБ „Св.Климент Охридски“ - Битола, наставничката Жанета Тошеска и ОУ „Кирил и Методиј“ - Битола денеска го одбележаа Светскиот ден на литературата за деца.
Жанета Тошеска, наставничка во прво одделение во основното училиште „Кирил и Методиј“ во Битола која што е прогласена за читател на годината на страна на Библиотеката, разговараа со учениците за најголемиот писател за деца на сите времиња Ханс Кристијан Андерсон, кој е тој, кои се неговите најпознати бајки.
Потоа наставничката им ја прочита на учениците приказната „Грдото Пајче“, ја анализираа на часот и работеа на наставното ливче.
Во чест на роденденот на најголемиот писател за деца на сите времиња Ханс Кристијан Андерсен, (роден на 2 Април 1805) се слави Светскиот ден на литературата за деца, со цел да се промовира книгата за деца и читањето. Од 1967 година па наваму, на овој ден, се потсетуваме на големата потреба да се сврти вниманието на јавноста за значењето на книгата за деца.
Повеќе за овој настан на следните линкови: NUUB-Facebook i NUUB - Videos

 

 

 

   

Страница 2 од 269

Сподели на Facebook