English French German Macedonian

Настани

30ти Јули- Меѓународен ден на пријателството

PDFПечатиЕ-пошта

( 0 Гласа )

НУУБ „Св. Климент Охридски “-Битола Ве поканува заедно да го прославиме 30ти Јули- Меѓународниот ден на пријателството.

Се што треба Вие да направите е да го тагнете вашиот најдобар пријател; да ни напишете порака за пријателството или да препорачате книга за пријателсвтото.

„Најдобриот пријател е како детелина со четири лисја. Тешко е да се најде, но среќен си ако го имаш.“ – Сара Џесика Паркер

Ве очекуваме!

 

Книги и кафе со наши писателки

PDFПечатиЕ-пошта

( 0 Гласа )

НУУБ „Св. Климент Охридски“-Битола, ова лето ви ги претставува низ прекрасна дружба и кафе нашите локални писателки. Жени кои секогаш наоѓаат време за се. Нивните имиња сите ги знаат, но не само кај нас, туку низ целиот свет. Нивните дела зборуваат за нив и нивната неизмерна љубов кон пишаниот збор.

Светлана Папачек е наша писателка, жена чии дела зборуваат за силината на жената. На наше огромно задоволство можевме да ја запознаеме од блиску. Низ кафе и прекрасен разговор таа ни раскажа се за неа. Родена е во Скопје, но љубовта ја носи во Битола, каде основа прекрасно семејство, богато со историја и автентични приказни за животниот пат на лозата Папачек.

Кога ја запрашавме да ни кажи од каде и кога се јавува нејзината љубов кон пишаниот збор таа ни одговори: „Уште како ученичка во основно училиште бев дел од литературната секција и членка на библиотекарската секција, со што од најрана возраст имав можност да бидам со книгите и убавиот пишан збор.“ Таа додаде дека тоа го споменува и во својата книга „Препород низ бессознание“.

Кога разговаравме за книгите, таа скромно ни сподели еден прекрасен спомен. Со себе ја носеше книгата „Шекспир во приказни“ од М.Ч.Лемб од 1954 година, кое генерациски се чува во нејзиното семејство, а и е драг подарок од свекрва и. Книгата му припаѓала на нејзиниот татко кој многу сакал да чита. Токму затоа и сентиментална вредност е уште поголема. Ни рече: „Ова е мојата најомилена книга. Се случува често да проверувам дали е на своето место во мојата домашна библиотека, бидејќи ми е премногу важна. Ми значи.“


Светлана Папачек има објавено свои творби во многу заеднички изданија во нашата Македонија како и низ бившите Ју републики. Нејзини лични книги меѓу кои има и поезија и проза се : Препород низ бессознание, Страсти, Душевни болки, Женски Откровенија, Љубов и вера. За своите дела таа ни сподели: Моја прва објавена книга е „Страсти“, но моја најдрага книга е „Женски откровенија“ за што истата е добитник на Златно перо за 2020 год., во која пишувам за сите предизвици со кои жената се соочува на својот животен пат.

Светлана Папачек има освоено многу награди, но кога ја прашавме која награда и е најомилена таа не се двоумеше:„ од многуте награди најдрага ми е таа што ја добив во Ниш за песна и краток расказ напишани на нишки дијалект. „Ja vjeni dies“ ( Идат денови) е краток расказ со историски факти за едно дете еврејче кое е спасено преку посвојување. За овој расказ ја добив 2та награда“ од Фондот на холокаустот на Евреите од Македонија кој за прв пат организираше литературен конкурс за краток расказ насловен како „Раскажувам фотографија”. Покрај ова ни рече:

„Сите награди ми значат и имаат секоја посебно место во моето срце. Но ете кога веќе ме прашавте...”

За крај ја замоливме да им порача нешто на нашите читатели, а таа со пријатна насмевна ни одговори:„ Да биде секој свој, животот тече и како човек старее така мудрее“. Се осознава себеси, но и останатите. Подобро од било кога. И како што велам во песната посветена на Исус, после животот го добиваме она што сме го заслужиле. Мал фрагмент од

СИНОТ ГОСПОДОВ

........................................................

Умираме пополека грешни ние.

Плаќаме за смртта негова,

мачење и страдание.

До судниот ден!

Потоа ???

Секој по заслуга.

Во име на библиотеката НУУБ „Св. Климент Охридски“-Битола сакаме да Ви се заблагодариме што одвоивте време и со нас го споделивте вашиот труд и знаење, и со нетрпение чекаме ваше ново дело, а нашите драги читатели ги покануваме да дојдат и да изнајмат ваша книга, да пловат низ вашите дела и вашите зборови.

   

Книги и кафе со наши писателки

PDFПечатиЕ-пошта

( 0 Гласа )

НУУБ „Св. Климент Охридски“-Битола, ова лето ви ги претставува низ прекрасна дружба и кафе нашите локални писателки. Жени чие име го афирмира нашиот град и држава сега низ светот, преку прекрасниот пишан збор сплотен во прекрасни книги.

Проф. д-р Даниела Андоновска-Трајковска е писателка која има напишано и објавено 13 книги и уште 4 книги се во ракопис кои чекаат да бидат објавени. Која ја запрашавме за нејзините почетоци и за тоа од каде и кога пројавила толкава љубов кон пишаниот збор, таа се наврати во нејзините денови како ученик во основно образование. Ни раскажа за нејзиниот одделенски наставник Богоја Таневски, исто така познат писател, кој на крајот од секоја учебна година како награда за нејзиниот одличен успех ја наградува со книга поезија. Исто така додаде дека „ Првите зачувани творби во ракопис ми се од  5то или 6то одделение“.

Иако пишува од кога памети за себе, нејзини творби за прв пат ги објавува во книгата „Збор за зборот“ во издаваштво на Матица заедно со своите колеги професори од Педагошкиот факултет-Битола, Златко Жоглев и Гордана Стојаноска, во 2014 година. Од тој период до денес таа ги објавува и: еден универзитетски учебник со наслов Критичка писменост, две публикации - Водство во образованието, една коавторска книга за деца: Сообраќајна песнарка, збирка раскази – „Кафе, чај и црвено небо“ и уште 7 поетски книги: Поема за маргините, Црна точка, Стапалки, Три, Куќа на контрасти, Електронска крв и Математичка поезија. Нејзината најнова книга „Пеш по воздушна линија“ финансиски поддржана од Министерството за култура, а во издаваштво на Ми-Ан од Скопје е во печат.

За своите книги таа ни кажа: „Иако поголемиот дел ми се напишани од порано, нема некој хронолошки ред во поглед на објавувањето, така што се случува песните да бидат објавени повеќе години по создавањето.“

Наредното прашање кое ѝ го поставивме беше да ги сподели со нас нејзините најдраги награди, кои ги има добиено за своите книги. Таа ни кажа:„ За книгата „Електронска крв“ ја имам добиено наградата Караманов за 2019 година, а за мојата последна книга „Математичка поезија“ ја добив највисоката награда за поезија „Ацо Шопов“, што ја доделува Друштвото на писатели на Македонија. Оваа награда е од големо значење за мене, бидејќи неа ја добиле значајни македонски автори како што се Гане Тодоровски, Радован Павловски, Матеја Матевски, Анте Поповски и други.

Секогаш е чест и задоволство да се биде во друштво со една ваква прекрасна жена, мајка, професорка и писателка, со која разговорите никогаш не би имале крај, затоа што секогаш може да се слушне нешто прекрасно. За крај, ја запрашавме што би им порачала на нашите читатели, а таа ни одговори„ Да читаат современи македонски автори кои се ценети надвор од нашите граници и ја промовираат македонската книжевност насекаде низ светот.“

На наше огромно задоволство таа нѐ покани и ние присуствувавме на промоцијата на нејзината последна книга „Математичка поезија“ во издаваштво на Центарот за култура и културолошки студии - Скопје.

Ви благодариме што одвоивте време и што со нас го споделивте вашиот труд и знаење, ни ја збогативте нашата библиотека со уште ваши книги за што од срце Ви благодариме.

А нашите драги читатели би ги поканиле да дојдат и за изнајмат ваша книга, да пловат низ вашата прекрасна поезија.

   

Страница 9 од 288

Сподели на Facebook