English French German Macedonian

Настани

НУУБ „Св.Климент Охридски“ - Битола - Библиотека за сите!

PDFПечатиЕ-пошта

( 0 Гласа )

НУУБ „Св.Климент Охридски“ - Битола е  модерен културен центар кој на своите читатели им нуди нови и креативни проекти, современи услови за пространи групни и индивиудални читални, конференциски сали.
Во библиотеката се одржуваат изложби, конференции, семинари, интерактивни работилници и други активности.
Избор на книги, лектири, енциклопедии, преглед и пристап до магистерски и докторски дисертации, стручна литература за студенти и професори.
Групни и индивидуални  простории за читање и учење.
Сали за конференции.
Пребарување во мрежата Cobiss.net.
Бесплатен Wi - Fi, Кафемат.

Работно време од 7 до 19.30 од понеделник до петок.
Ве очекуваме!

Видео линк: https://www.youtube.com/watch?v=ZJUWaIuG4cQ

 

РАБОТНА ПОСЕТА ОД ШТИПСКАТА БИБЛИОТЕКА

PDFПечатиЕ-пошта

( 0 Гласа )

Во рамките на соработката во областа на развојот и подигање на квалитетот на библиотечното работење, директорот Зоран Костовски со колегите од НУ-Библиотека „Гоце Делчев“ од Штип, ја посети нашата библиотека, тие ги посетија различните оддели на нашата библиотека и остварија работен состанок со програмскиот директор и раководителите на сектори.
Темите на средбата се однесуваа на тековните проекти, организација на библиотечното работење во услови на пандемија и решавање на конкретни стручни проблеми од областа на можности за подобрување на програмот за циркулација на библиотечниот материјал, дигитализација на периодични и монографски публикации, процедури за набавка и евиденција на нови изданија и можности за апликации во меѓународни програми, особено во врска со искуствата на нашата библиотека со Еразмус + апликации, учества на конференции и пишување на стручни трудови поврзани со професионално усовршување.
На состанокот е договорена меѓусебна соработка, посети и реализација на заеднички проекти.

М-р Јелена Петровска, програмски раководител

Повеќе фотографии од овој настан на следниот линк: NUUB Facebook

   

Книги и кафе со наши писателки

PDFПечатиЕ-пошта

( 0 Гласа )

НУУБ „Св. Климент Охридски“ – Битола продолжува да ви ги претставува низ прекрасна дружба и кафе нашите локални писателки. Жени чие име е препознатливо не само кај нас туку и низ целиот свет. Тие како писателки имаат изградено посебен печат во творењето и по тоа се препознатливи секаде низ светот.

На наше огромно задоволство, овој пат на прекрасна дружба и кафе со нас беше Весна Мундишевска-Велјановска. Таа е професорка по графички стручни предмети во СОУ „Таки Даскало“ – Битола, но и писателка чие име котира високо во поетските и научните кругови. Огромна чест и привилегија беше да се слушаат нејзините зборови. Таа со невиден ентузијазам ни раскажа како створи една непроценлива симбиоза помеѓу двете работи што таа најмногу ги сака, а тоа е работата (графиката) и пишаниот збор.

Кога ја запрашавме од каде љубовта кон пишаниот збор и кон графиката, таа ни одговори: „Љубовта кон пишаниот збор ми ја вградија моите родители и баба ми. Баба ми беше позната по раскажување на многу убави приказни. Начинот на кој таа го правеше тоа беше посебен, вистинско волшепство. Мајка ми, пак, читаше многу книги и самата пишуваше, но и двајцата родители вложија во мене бидејќи тие секогаш ги следеа културните случувања и манифестации и таа љубов ми ја пренесоа и мене. Пишувам од кога знам за себе, од самото описменување. Голем број мои песни и текстови уште во основно училиште беа испраќани на различни конкурси, беа наградувани и објавувани во списанија.“

Кога ја прашавме која ѝ е прва објавена книга таа ни раскажа: „Пресвртот се случи кога мојата дебитантска книга беше наградена на анонимен републички конкурс и потоа истата беше испечатена. Тоа е книгата „Во сонот сон“ (Книжевна младина на Македонија, Скопје, 1994).

Весна има освоено огромен број на награди и признанија, но кога ја замоливме да ни издвои која награда ѝ е посебна таа ни одговори: „Сите се значајни на свој начин, сите носат поттик за да се создаваат нови творби. Но, еве кога настојувате, секако покрај оваа награда за првата книга, би ја издвоила наградата „Караманов“ што ја добив за книгата „Вибрации на духот“, наградата за поетска творба „Празник на липите“ од Друштвото на писателите на Македонија, како и наградите од Македонското научно друштво – Битола и од Битолскиот книжевен круг.“

Не смееме а да не спомнеме дека Весна е автор на 13 книги поезија, 2 книги со критичко-есеистички текстови и коавтор на книга со песни за деца, а автор и коавтор е и на 6 стручни книги. Нејзината поезија е преведена на повеќе странски јазици. Но, нејзиниот труд не застанува тука, таа веќе спрема нови книги, нови предизици.

Секогаш е чест и задоволство да се биди во друштво со една ваква прекрасна жена, мајка, професорка и писателка, со која разговорите никогаш не би имале крај, затоа што секогаш може да се слушни нешто прекрасно. За крај, ние ја запрашавме што би им порачала на нашите читатели, таа ни одговори: „Да споделуваат љубов, за другите, за животот, за сè. Да ги зграбат семожностите и да бидат писатели на своја креативност на бидувањето!!!“

На наше огромно задоволство таа ни подари книги со посвета, кои оставаат без здив кога ги читаме.

За крај, Ви благодариме што одвоивте време и со нас го споделивте вашиот труд и знаење, а нашите драги читатели би ги поканиле да дојдат и да изнајмат ваша книга, да пловат низ вашата прекрасна поезија.

   

Страница 7 од 288

Сподели на Facebook